Luka 9:5 - MUKANDA USANDU WA ZAMBI 1975

⁵ Waze eswe kechi kanutambula, muze munukatuka ku limbo lize, nukakukumwine fufuta ku yiliato yenu chikapwe Shindakenyo hali ayo.

Mukanda Wa Zambi 1970

⁵ Kweswako keechi kanutambula, katukenu mu limbo lio. Kukumunenu fufuta ya ku molu jenu ha kwatoweza. Chikabwe shindakenyo kuli ayo.”

Luka 9:5 Iomraidhean Croise

Nehemia 5:13

Yingusakumuna hina liami nikwamba ngwami, Chocho Zambi asakumwine ku zuwo lienyi, ni ku milimo yenyi mutu mweswe yoze kalingile nikulita ni chilakenyo chino; chocho amusakumwine ni kumumwanga. Ni akwa chikungulwila eswe yamba ngwo, Amene, ni kuhalisa Yehova. Mba atu yalinga nikulita ni chilakenyo chino.

Mateu 10:18

No kumakanuneha kumeso ja manguvulu ni mianangana mumu hali yami, hanga nukapwe Shindakenyo kuli ayo, ni kuli akwa mavungu.

Marku 6:11

Ni kweswako kechi kanutambula, chipwe kunwivwa, ha kukatukamo, nukakukumwineho fufuta yize yili kushi lia yiliato yenu, yikape Shindakenyo kuli ayo. Pundu ngunambe kuli yenu ngwami, Kumuchikapwa chashi ha Sondome ni Ngomora ha tangwa lia upatwilo, chikalu ha limbo lize.

Marku 9:37

Mweswawo matambula umwe mwana mukepe ngwe yono mu jina liami, mangutambula yami: ni mweswawo mangutambula yami, keshi kungutambula yami, alioze matambula yoze wangutumine.

Luka 10:16

Yoze manwivwa, mangwivwa yami; ni yoze malituna yenu, malituna yami; ni yoze malituna yami, malituna yoze wangutumine.

Luka 5:14

Iye wamuhele koki kanda akaambulwila niumwe: alioze ngwenyi, Yako kwe, ukalilweze kuli sasendote, ukalambule ha kupemesa che, ngwe ambile Mose, chikapwe Shindakenyo kuli ayo.

Luka 9:4

Mu zuwo Heswaho muvunjila, muze mwene nukatwame, muze mwene nukatuhukemo.

Luka 9:48

Wambile kuli ayo ngwenyi, Mweswawo matambula yono mwana mukepe mu jina liami, mangutambula yami: ni mweswawo mangutambula yami, matambula yoze wangutumine: mumu yoze mukepe Wahiana eswe hakachi kenu, mwenawo munene.

Yilinga 13:51

Alioze o akukumwine fufuta ku molu jo mukwahisa, ayile ku Ikoniu.

Yilinga 18:6

Alioze se alimikine nikushililika, wakukumwine mazalo jenyi, ngwenyi, Manyinga jenu akapwe ha mitwe ya yenwene; yami ngunasambe: chize ku haliapwila ndo ku miaka munguya kuli akwa mavungu.