Luka 9:48 - MUKANDA USANDU WA ZAMBI 1975

⁴⁸ Wambile kuli ayo ngwenyi, Mweswawo matambula yono mwana mukepe mu jina liami, mangutambula yami: ni mweswawo mangutambula yami, matambula yoze wangutumine: mumu yoze mukepe Wahiana eswe hakachi kenu, mwenawo munene.

Mukanda Wa Zambi 1970

⁴⁸ yaamba ngwenyi: “Yoze matambula mwana yono mu jina liami, mangutambula yami. Ni yoze mangutambula, matambula nawa yoze wangutumine. Mumu yoze uli mukepe Wahiana mukachi ka yenu eswe, mwenawo mwe munene Wahiana.”

Luka 9:48 Iomraidhean Croise

Yishima 18:12

Shimbu kwonwona kanda chiheta mbunge ya mutu yakulizata; kulikehesa kuchakutetekela ulemu.

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Mateu 18:14

Chizechene hi upale wa Tatenu ko yoze uli mu malilu, umwe wa wano akepe akatoke.

Mateu 19:28

Yesu ngwenyi, Pundu ngwami, Yenu hinunangukaula, ha kupwisa chaha cha yuma yeswe, muze mwe Mwana Mutu makatwama ha ngunja yenyi ya uhenya, ni venu nawa kumunukatwama ha kumi lia ngunja ni ngunja jiali, nikupatwila kumi lia mavungu ni mavungu aali a Izalele.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Mateu 25:45

Hohene makaakumbulula ngwenyi, Pundu ngwami, Mumu te kunwachilingile kuli umwe wa kuli wano akepe ahiana eswe, kunwachilingile kuli yami.

Marku 9:37

Mweswawo matambula umwe mwana mukepe ngwe yono mu jina liami, mangutambula yami: ni mweswawo mangutambula yami, keshi kungutambula yami, alioze matambula yoze wangutumine.

Luka 10:16

Yoze manwivwa, mangwivwa yami; ni yoze malituna yenu, malituna yami; ni yoze malituna yami, malituna yoze wangutumine.

Luka 14:11

Mumu mweswawo malinangamisa kumakamijlelesa; ni yoze malilelesa kumakamunangamisa.

Luka 22:26

Alioze ni yenu kuchapwile chocho; alioze yoze munene Wahiana eswe hakachi kenu, akapwe ngwe kanuke; ni mukwa lutwe akapwe ngwe yoze wakuvumbika.

Luka 22:30

Hanga nukalile, nukanwine ku mesa yami mu wanangana wami. Kumunukatwama ha ngunja nikupatwila kumi lia mavungu ni mavungu aali a Izalele.

Luka 7:28

Ngwami, Hakachi ka waze akusemuka kuli mapwo, profeta wahiana Yoano Chipapachisa wakuhi niumwe. Alioze yoze mukepe Wahiana eswe mu wanangana wa Zambi kanapu munene Wahiana iye.

Yoano 13:20

Pundu, pundu, ngunambe kuli yenu ngwami, Yoze matambula mweswe mungumutuma, mangutambula yami; ni yoze mangutambula, matambula yoze ngutumine.

Yoano 14:21

Yoze uli ni shimbi jami, wakujifunga, mwenawo wakunguzanga; ni yoze wakunguzanga, kumakamuzanga kuli Tata, ni yami mungumuzanga, mungulisolola kuli iye.

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.

1 Petulu 5:6

Kashika likehesenu kushi lia kwoko lia ndundo lia Zambi, hanga akanunangamise ha mwaka wenyi.

Usolwelo 21:14

Ni chipanga cha limbo chapwile ni kumi lia fundamentu ni fundamentu jiali, ni kumi lia majina ni majina aali a kusonekaho, majina ja kumi lia apostolo ni apostolo aali a mwe Mwana-panga.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.