Luka 9:45 - MUKANDA USANDU WA ZAMBI 1975

⁴⁵ Alioze kanyingikine liji lino, liahengamine kuli ayo, chocho kahashile kuchimona, o evwile woma kumuhula ha liji lino.

Mukanda Wa Zambi 1970

⁴⁵ Alioze liji lize kaalivwile kanawa. Yilihengama kuli ayo, hanga keechi kumwivwa kanawa. No yeevwa woma kumuhula chikuma chize.

Luka 9:45 Iomraidhean Croise

Mateu 16:22

Petulu wamutwalile ku tenga, waputukile kumwambila ngwenyi, Zambi akuvwile keke, Mwene: chino kuchichi kapwa kuli yena, nichimwe.

Mateu 17:22

Shimbu atwamine mu Ngalileya, Yesu wambile kuli ayo ngwenyi, Kumakakunjika mwe Mwana Mutu ku moko ja atu;

Marku 9:10

O afungile liji lino, nikulihula hakachi ko chize kuhinduka mukachi ka afu muchipwa.

Marku 9:32

Alioze kanyingikine liji lino, evwile woma kumuhula.

Luka 18:34

Alioze maliji ano kaalumbunukine: ni liji lino liaswamine kuli ayo, kanyingikine chize ambile.

Luka 2:50

Kuliaalumbunukine liji lize ahanjikile kuli ayo.

Luka 9:46

Kuhangulula chapwile hakachi ko, hali yoze mapwa munene wahiana hakachi ko.

Yoano 12:16

Yino yuma tumbaji twenyi kayinyingikine hatangu; alioze muze te Yesu hanjila mu uhenya wenyi, hohene ewulukile ngwe yino yuma yasonewene hali iye, ngwe alingile yino yuma kuli iye.

Yoano 12:34

Mbunga kashika amukumbulwile ngwo, Hitunevu mu shimbi ngwo, Kristu matwama ndo ku miaka ya mutolo; ngwe kuchi yena unambe ngwe, Chatamba kuzundula mwe Mwana Mutu? Yono mwe Mwana Mutu iya?

Yoano 14:5

Tomase yamba kuli iye ngwenyi, Mwene, kutwanyingikine kuze muoya; ngwe kuchi mutuhasa kunyingika jila?

Yoano 4:33

Tumbaji twenyi kashika aliambile umwe kuli mukwo ni mukwo ngwo, Umwe wamunehenanga chimwe cha kulia, nyi?