Luka 9:44 - MUKANDA USANDU WA ZAMBI 1975

⁴⁴ Maliji ano anjile mu matwi jenu; mumu kumakakunjika mwe Mwana Mutu mu moko ja atu.

Mukanda Wa Zambi 1970

⁴⁴ “Fungenu chize ngunambe haliabwila. Ngwami maakakunjika Mwana Mutu ku moko ja atu.”

Luka 9:44 Iomraidhean Croise

2 Samuel 24:14

David yamba kuli Ngate ngwenyi, Nguli wa kupalakenya. Hapwa tuholoke mu kwoko lia Yehova, mumu keke yenyi yinene. Kanda nguholoka mu kwoko lia atu.

Mateu 16:21

Chize ku mwaka uze Yesu waputukile kulweza kuli tumbaji twenyi, ngwe chamutamba kuya ku Yerusaleme, nikwivwa lamba linji kuli makulwana ni asasendote akwa lutwe ni akwa kusonyeka, akamushihe, ni ha tangwa liamuchitatu akamuhindwise.

Mateu 26:2

Nunanyingika kulutwe lia matangwa aali, Chizomboka muchipwa, mba makakunjika mwe Mwana Mutu akamuhachile ha kulusu.

Marku 8:31

Iye waputukile kwalongesa, ngwenyi, Chatamba mwe Mwana Mutu kwivwa lamba linji, akalituneye kuli makulwana, ni kuli asasendote akwa lutwe, ni kuli akwa kusonyeka, akamushihe, ni kulutwe lia matangwa atatu akahinduke.

Marku 9:31

Mumu walongesele tumbaji twenyi, nikwamba kuli ayo ngwenyi, Makunjika mwe Mwana Mutu ku moko ja atu, o makamushiha, ni muze hamushiha, kulutwe lia matangwa atatu kumakahinduka.

Luka 1:66

Mba waze eswe ayivwile, ayipachikile mu mbunge jo, ngwo, Yono mwana kuchi makapwa? Ni kwoko lia Mwene liapwile hamwe nenyi.

Luka 18:31

Iye watwalile kumi ni aali ku tenga kuli iye mwene; wambile kuli ayo ngwenyi, Talenu, mutukanduka ku Yerusaleme, ni yuma yize yeswe yinasonewa ku moko ja aprofeta kumuyikamanunuka kuli mwe Mwana Mutu.

Luka 2:19

Alioze Maria wafungile maliji ano eswe nikwazewula mu mbunge yenyi.

Luka 2:51

Iye wapalumukine hamwe no ku Nazare, wazeyele kuli ayo; ni naye wafungile maliji ano eswe mu mbunge yenyi.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Luka 9:22

Ngwenyi, Chatamba mwe Mwana Mutu kwivwa lamba linji, akalituneye kuli makulwana, ni asasendote akwa lutwe, ni akwa kusonyeka, akamushihe, ni ha tangwa liamuchitatu akahinduke.

Yoano 16:31

Yesu waakumbulwile ngwenyi, Nunafuliela haliapwila, nyi?

Yoano 16:4

Alioze yino yuma hinahanjika kuli yenu, hanga muze mwaka wayo hiweza, nukewuluke, ngwe nanwambulwilile. Ni yino yuma chambile kuli yenu chize ku uputukilo, mumu napwile hamwe ni yenu.

Yoano 19:11

Yesu wakumbulwile ngwenyi, Kushi chiyulo nichimwe hali yami kachi kakuhelecho kwilu; kashika yoze wangukunjikanga kuli yena, mulonga Wahiana ali nawo.

Yilinga 2:23

iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

Hebreu 2:1

Kashika chatutamba kupanjika kuhiana chikolo ku yuma yize twevwile, kuchina hanji mutusesumukako.