Luka 9:32 - MUKANDA USANDU WA ZAMBI 1975

³² Ahoze Petulu, ni waze apwile hamwe nenyi, azembelele tulo, ni muze alawile pundu, amwene uhenya wenyi ni malunga aali waze amanyine hamwe nenyi.

Mukanda Wa Zambi 1970

³² Petulu ni masepa jenyi yaazembela tulo anji, alioze muze haalaula pundu, yaamona uhenya wa Yesu ni malunga waze aali te anamana nenyi.

Luka 9:32 Iomraidhean Croise

Izaya 60:19

Tangwa kulichi kapwa nawa pang u lienu lia mwalwa; kakweji kechi katemuka kuli yenu ha ufuku. Alioze Yehova makapwa pangu lienu lia mutolo, Zambi yenu makapwa uhenya kuli yenu.

Daniel 10:9

Yingwivwa lundunjila wa liji lienyi, mba ha kwivwa lundunjila wa liji lienyi, nafulamanyine hashi ni tulo anji, ni meso jami mu mavu.

Daniel 8:18

Shimbu machihanjika ni yami nayile tulo anji ni meso jami hashi; alioze iye yangusunga, yangumanyisa ha molu jami.

Marku 14:40

Cheka nawa wahilukile, waawanyine mu tulo, mumu meso jo alemene; o kanyingikine chize mamukumbulula.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 17:24

Tata, ngunazange waze nawa hiunangwehe akapwe hamwe ni yami kuze nguli, hanga akatale uhenya wami, uze wanguhele; mumu wanguzangile shimbu kanda asela fundamentu ya hashi.

2 Petulu 1:16

Mumu kutwakawile yishima ya kutaka ni mana amokomoko, muze twanunyingikishine tachi ni kuheta cha Mwene wetu Yesu Kristu, aiioze twapwile yela ja ulamba wenyi.

1 Yoano 3:2

Akwetu a zango, tuli ana a Zambi kulu, ni chize mutukapwa kanda chisoloka, aiioze tunanyingika muze mamusolola iye, yetu mutukalifwa nenyi, mumu mutukamumona ngwe chize apwa.