Luka 9:31 - MUKANDA USANDU WA ZAMBI 1975

³¹ wano asotokele mu uhenya, ahanjikile ha kutwala ku kufwa chenyi chize mafwa ku Yerusaleme.

Mukanda Wa Zambi 1970

³¹ No yaasoloka mu uhenya wa mwilu nikuhanjika ni Yesu ha chikuma cha kufwa chize makafwa ku Yerusaleme.

Luka 9:31 Iomraidhean Croise

Luka 9:22

Ngwenyi, Chatamba mwe Mwana Mutu kwivwa lamba linji, akalituneye kuli makulwana, ni asasendote akwa lutwe, ni akwa kusonyeka, akamushihe, ni ha tangwa liamuchitatu akahinduke.

Luka 9:30

Kumanyi, malunga aali ahanjikile nenyi, Mose ni Eliya;

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

2 Korintu 3:18

Alioze yetu eswe, ni meso a kufukuka nikunwina uhenya wa Mwene, ngwe katalilo wa kupeyima, kakutwalumuna mu kulifwa chimuwika, chize ku uhenya ndo ku uhenya, chizechene ngwe cha kuli Mwene Spiritu.

Filipu 3:21

Mwenawo kumakalumuna mujimba wetu wa ulelu hanga ukalifwe ni mujimba wa uhenya wenyi, nikulita ni kulinga chize kanahase nacho kuzeyesa chipwe yuma yeswe kuli iye mwene.

Kolosu 3:4

Muze makasolola Kristu, iye mwono wetu, hohene ni yenu nawa makanusolola hamwe nenyi mu uhenya.

Hebreu 11:22

Ku Ufulielo José, muze akundamine ku songo lia mwono wenyi, wavulukile kukatuka cha ana a Izalele; nikuhana shimbi ha kutwala ku yifwaha yenyi.

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.

2 Petulu 1:15

Ewa, mungulipupwisa hanga ha shimbu lieswe kulutwe lia kukatuka chami nukahase kwiwuluka yino yuma.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.