Luka 9:26 - MUKANDA USANDU WA ZAMBI 1975

²⁶ Mumu mweswawo mevwa sonyi hali yami ni ha maliji jami, mwe Mwana Mutu kumakamuvwila sonyi, muze meza mu uhenya wenyi mwene, ni wa Tato, ni wa angelo asandu.

Mukanda Wa Zambi 1970

²⁶ Nyi umwe manguvwila sonyi ni maliji jami, Mwana Mutu neye makamuvwila sonyi muze makeza mu uhenya wenyi, ni mu uhenya wa Tata, ni wa tunganda a mwilu a linanga.

Luka 9:26 Iomraidhean Croise

Izaya 53:3

Amulelesele, alitunyineye kuli atu. Iye mukwa yinyengo, mukwa kulijilila ni chikulikuli; ngwe umwe atu mamuswekela meso jo, chocho amulelesele. Etu kutwamusele mbunge.

Daniel 7:10

Muhwiji wa kahia wavwelwokele ni kutuhuka kumeso jenyi. Kanunu ka tununu amuvumbikile, ni kumi lia tununu twa yisuho ya kumi lia tununu amanyine kumeso jenyi. Punga ya sopi yatwama kusopa, apakwile mikanda.

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 25:31

Alioze muze mwe Mwana Mutu meza mu uhenya wenyi, ni angelo asandu eswe hamwe nenyi, hohene makatwama ha ngunja yenyi ya uhenya:

Mateu 26:64

Yesu yamba kuli iye ngwenyi, Yena wachamba; hindu ngwami, Kulutwe kumunukamona mwe Mwana Mutu kanatwama ha chindume cha tachi, kaneza ha malelwa a mwilu.

Marku 8:38

Mumu mweswawo manguvwila sonyi yami, hanji ha maliji jami hakachi ka chisemuko chino cha utanji kanda cha shili, mwe Mwana Mutu nawa kumakamuvwila sonyi, muze meza mu uhenya wa Tato hamwe ni angelo asandu.

Yoano 12:43

mumu azangile uhenya wa atu, hi uhenya wa Zambi ko.

Yoano 5:44

Ngwe kuchi munuhasa kufuliela, yenu, nwakulichichimieka umwe kuli mukwo ni mukwo, kunushi kufupa uhenya uze wa kuli mwe Zambi umuwika.

Yilinga 10:22

O ambile ngwo, Koneliu, kapitau, mukwa ululi, mukwa kwivwa woma wa Zambi, kakumushindakenya ku vungu lieswe lia A-Yunda, kanakamwambulwila kuli mungelo musandu kukusaka, wize ku zuwo lienyi, akevwe maliji kuli yena.

A-ROMA 1:16

Mumu chishi kwivwa sonyi ha sango lipema: mumu kuliapwa je tachi ja Zambi ha ulamwino kuli mweswe mafuliela; hatangu kuli A-Yunda, ni kuli A-Ngresia nawa.

2 Korintu 12:10

Kashika nakuwaha ni ulelu, ni sau, ni huli, ni yihungumiona, ni kupinda, mumu hali Kristu: mumu muze mungulela, hohene mungupwa ni tachi.

Galashia 6:14

Alioze kanda chikapwa kama kuli yami kulisamba shina mu kulusu ya Mwene Yesu Kristu, ku yenayo hanashihi yuma ya hashi kuli yami, ni yami hanangushihi ku yuma ya hashi.

1 Timoteu 5:21

Shimbi ngunakwehe kumeso ja Zambi ni Kristu Yesu ni angelo a kutongola, ufunge yino yuma, kanda upatula Shimbu-kanda, kanda ulinga nichimwe ni katonde.

2 Timoteu 1:12

Ha chikuma chino nawa, nakwivwa lamba lia yino yuma; alioze chishi kwivwa sonyi; mumu ngunanyingika yoze hingunamufuliela; ngunakunuka ngwami, Kanahase kufunga chize hingunamukunjika ndo tangwa lize.

2 Timoteu 2:12

Kachi mutunyongonona mu lamba kachi mutukayula hamwe nenyi nawa: kachi mutulikala iye, kachi iye nawa makalikala yetu.

Hebreu 11:26

Se kananyongo ngwenyi, Luchoko yoze achokele nenyi Kristu, hapwa upite kuhiana yikumba ya Engitu: mumu wahulikilile meso ku kwononona.

Hebreu 13:13

Kashika tutuhukenu tuye kuli iye haze, ni kumbata luchoko yoze amuchokele nenyi Kristu.

Yuda 1:14

Enoke, wamuchishimbiali kuli Alama, waprofetezele hali wano, ngwenyi, Mwene kumeza hamwe ni yizavu yinji ya asandu jenyi,

Usolwelo 1:7

Talenu, kumeza ni malelwa; ni meso eswe kumakamumona, ni waze amutuwile; ni mavungu eswe a hashi kumakahia mbimbi hali iye. Chochene. Amene.

Usolwelo 20:11

Namwene ngunja yinene yitoma, ni yoze watwamineho, kumeso jenyi lilu ni hashi yachinyine; kuyawanyine chihela.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 3:5

Yoze makumba, chocho kumamujika mazalo atoma. Chichi kajimuna nichimwe jina lienyi mu mukanda wa mwono, aiioze mungukatayiza jina lienyi kumeso ja Tata, ni kumeso ja angelo jenyi.