Luka 9:25 - MUKANDA USANDU WA ZAMBI 1975

²⁵ Mumu kuchi mutu mafumbuka, kachi malipichisa hashi heswe, akalitokese mwene?

Mukanda Wa Zambi 1970

²⁵ Chika muchikwasa mutu, nyi mayuka hashi heswe, alioze malitokesa iye mwene?

Luka 9:25 Iomraidhean Croise

Mateu 13:48

muze te hiwazala tò, aukokele ku ngenge; atwamine, akakungile apema mu yikwachilo, alioze api aambilile.

Mateu 13:50

O kumakaambila mu lutengo wa kahia: kumukukapwa malilo ni kulikopola ku mazo.

Mateu 16:26

Mumu kuchi mutu mafumbuka kachi malipichisa hashi heswe, alioze matokesa mwono wenyi? Hanji kuchi mutu mahana cha kusumbakenya mwono wenyi?

Marku 8:36

Mumu kuchi mutu mafumbuka, kachi malipichisa hashi heswe, alioze matokesa mwono wenyi?

Yilinga 1:18

(Achi yono walanjile munda ni kwononona cha uhenge wenyi; iye nikuholokela yololo hashi, wamengunukine mukachi, ni mijingwa yenyi yeswe yapusukile.

Yilinga 1:25

Hanga atambule chihanda cha uvumbiko uno ni upostolo, kuze alimbukilile Yundase, hanga akaye kuma kwenyi mwene.

1 Korintu 9:27

alioze nakumbwezula mujimba wami, nakuutwala ku undungo: kuchina hanji, muze te hinambujola sango lipema kuli akwo, yami mwene mungwalumuka chisashili.

Hebreu 10:34

Mumu nwevwile keke hali funge, nwatambwile ni uwahililo kupunda cha yikumba yenu, te nunanyingika nuli nayo yikumba yahiana ya kulinduluka.