Luka 9:22 - MUKANDA USANDU WA ZAMBI 1975

²² Ngwenyi, Chatamba mwe Mwana Mutu kwivwa lamba linji, akalituneye kuli makulwana, ni asasendote akwa lutwe, ni akwa kusonyeka, akamushihe, ni ha tangwa liamuchitatu akahinduke.

Mukanda Wa Zambi 1970

²² Yaamba nawa ngwenyi: “Chatamba Mwana Mutu kumona lamba linji. Makulwana ja Ayuda, ni mahako a lutwe a Zambi, ni alongeshi a Shimbi maakalituna ye, maakamushiha. Mba ha tangwa lia muchitatu Zambi kumakamuhindwisa.”

Luka 9:22 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Daniel 9:26

Kulutwe lia makumi asambano a semana ni semana jiali yoze amuwayishile ni maji mamutetaho, keshi nichimwe, mba atu ja mukwa kuyula yoze meza kwiza kumakonwona chihunda ni zuwo lisandu. Songo liayo mulikeza ngwe sanga; ndo ku songo kumukukapwa jita—hanaafunjikila kwenyeka wika.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Mateu 17:12

alioze ngunambe kuli yenu ngwami, Eliya haneza kulu, alioze kamunyingikine. Alingile kuli iye cheswacho azangile, chocho nawa mwe Mwana Mutu makevwa lamba kuli ayo.

Mateu 17:22

Shimbu atwamine mu Ngalileya, Yesu wambile kuli ayo ngwenyi, Kumakakunjika mwe Mwana Mutu ku moko ja atu;

Mateu 27:63

ngwo, Mwene, tunewuluka yono mukwa kwonga wambile shimbu achili ni mwono ngwenyi, Kulutwe lia matangwa atatu munguhinduka.

Marku 8:31

Iye waputukile kwalongesa, ngwenyi, Chatamba mwe Mwana Mutu kwivwa lamba linji, akalituneye kuli makulwana, ni kuli asasendote akwa lutwe, ni kuli akwa kusonyeka, akamushihe, ni kulutwe lia matangwa atatu akahinduke.

Marku 9:31

Mumu walongesele tumbaji twenyi, nikwamba kuli ayo ngwenyi, Makunjika mwe Mwana Mutu ku moko ja atu, o makamushiha, ni muze hamushiha, kulutwe lia matangwa atatu kumakahinduka.

Luka 17:25

Alioze hatangu chamutamba kwivwa lamba linji, akalituneye ku chisemuko chino.

Luka 24:26

Te kuchatambile Kristu kwivwa lamba lia yino yuma, nikunjila mu uhenya wenyi, nyi?

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Luka 24:7

Ngwenyi, Chatamba kukunjika mwe Mwana Mutu ku moko ja yivulumunyi, akamuhachile ha kulusu, ni ha tangwa liamuchitatu akahinduke.

Luka 9:44

Maliji ano anjile mu matwi jenu; mumu kumakakunjika mwe Mwana Mutu mu moko ja atu.

1 Korintu 15:4

amufunjile; amuhindwishile ha tangwa liamuchitatu nikulita ni yisoneko;

1 Petulu 1:11

nikuhengula ha chize, hanji mwaka uze, Spiritu ya Kristu, yoze wapwile muli ayo wenyikine, muze ashindakenyene Shimbu-kanda ha lamba lia Kristu, ni uhenya uze muukapwa kulutwe.