Luka 9:19 - MUKANDA USANDU WA ZAMBI 1975

¹⁹ O amukumbulwile ngwo, Yoano Chipapachisa; ahoze akwo ngwo, Eliya; ni akwo ngwo, Umwe wa kuli aprofeta a shakulu hanahinduka.

Mukanda Wa Zambi 1970

¹⁹ yaakumbulula ngwo: “Amwe kaakwamba ngwo: ‘Yoano Chipapachisa,’ akwo ngwo: ‘Eliya,’ akwo nawa ngwo: ‘Umwe wa kuli akwa munanyi a Zambi a shakulu hahinduka ku kufwa.’ ”

Luka 9:19 Iomraidhean Croise

Malaki 4:5

Mungunutuma profeta Eliya shimbu tangwa lize linene lia mwongo lia Yehova kanda Uchiheta.

Mateu 14:2

wambile kuli akweze jenyi ngwenyi, Yono Yoano Chipapachisa; hahinduka mukachi ka afu; kashika yipupu kuyakulinga muli iye.

Mateu 3:1

Ha matangwa aze Yoano Chipapachisa wasolokele nikwambujola mu puya ya Yundeya,

Marku 6:14

Mwanangana Heronde wamuvwile lufuma; mumu jina lienyi liafumanyine: wambile ngwenyi, Yoano Chipapachisa hahinduka mukachi ka afu, kashika yipupu kakuyilinga kuli iye.

Marku 6:15

Ni akwo ambile ngwo, Iye Eliya. Ni akwo ambile ngwo, Iye profeta, chizechene ngwe umwe wa kuli aprofeta.

Luka 9:18

Shimbu machilemba ukawenyi, tumbaji twenyi apwile hamwe nenyi: waahulile ngwenyi, Kuchi mbunga akunguvuluka?

Luka 9:20

Iye ngwenyi, Yenu kuchi nwakunguvuluka? Petulu wamukumbulwile ngwenyi, Mwe Kristu wa Zambi.

Yoano 1:21

O amuhulile ngwo, Mba kuchi, yena uli Eliya, nyi? Iye yamba ngwenyi, Hi yami ko. Ngwo, Yena uli mwe profeta, nyi? Iye wakumbulwile ngwenyi, Ka.

Yoano 1:25

Amuhulile, ngwo, Mba kuchi te wakupapachisa atu, kachi yena hi uli mwe Kristu ko, chipwe Eliya, chipwe mwe profeta?

Yoano 7:40

Amwe a kuli mbunga kashika muze evwile maliji ano, ambile ngwo, Yono chamwenemwene mwe profeta.

Yoano 9:17

Yamba kuli kapuputa cheka nawa ngwo, Kuchi yena unambe hali iye, ngwe walawisanga meso je? Wambile ngwenyi, Iye profeta.