Luka 8:8 - MUKANDA USANDU WA ZAMBI 1975

⁸ Yikwo yaholokelele ha mavu apema, yasokele, yemine mbuto, kulakaji lia yisuho. Shimbu ambile yino yuma, watambikile ngwenyi, Yoze uli ni matwi a kwivwa, evwe.

Mukanda Wa Zambi 1970

⁸ Alioze mbuto yikwo yiiholokela ha mavu abema, yiisoka, yiiyima mihuko kulakaji ja mbuto.” Yesu yaweza ho ngwenyi: “Banjikenu kanawa, nyi nuli ni matwi!”

Luka 8:8 Iomraidhean Croise

Ubutukilo 26:12

Izake yalima mu chifuchi chize, yacha mwaka uze wene ha chimuwika kulakaji, ha chimuwika kulakaji. Yehova yamuwahisa,

Yishima 20:12

Ni twitwi lia kupanjika ni liso lia kumona, yeswe yiali Yehova wayitangile.

Yishima 8:1

Te mana kasanyikine, nyi? Malinjekela kakalumukine, nyi?

Jeremia 13:15

Panjikenu nwivwe, kanda nulengumuka, mumu Yehova hanahanjika.

Jeremia 25:4

Kunwapanjikile chipwe kutela matwi jenu, chipwe Yehova hatumatuma kuli yenu tuvumbi twenyi aprofeta eswe ngwenyi,

Mateu 11:15

Yoze uli ni matwi a kwivwa, evwe.

Mateu 13:23

Yize mayikuwa ha mavu apema, iye yoze mevwa liji, malinyingika, mema mbuto, umwe kulakaji, ni mukwo makumi asambano, ni mukwo makumi atatu.

Marku 4:20

Waze maakuwa ha mavu apema; waze mevwa lie liji, malitambula, mema mbuto, umwe makumi atatu, ni mukwo makumi asambano, ni mukwo kulakaji.

Marku 4:23

Kachi umwe uli ni matwi a kwivwa, evwe.

Marku 4:8

Yikwo yaholokelele ha mavu apema, yemine mbuto, nikusoka, nikutatuka; yemine, yimwe makumi atatu, ni yikwo makumi asambano, ni yikwo kulakaji.

Marku 7:16

Kachi umwe uli ni matwi a kwivwa, evwe.

Luka 14:35

Kuwatelele chipwe hashi, chipwe pinga: maumbila haze. Yoze uli ni matwi a kwivwa, evwe.

Luka 8:15

Yize ha mavu apema, waze mu mbunge jipema, jashishika, muze hevwa liji, malikakaminya, mema mbuto ni uhumikizo.

Luka 8:7

Yikwo yaholokelele mukachi ka mingonga; ni mingonga yasokele kumuwika nayo, yayikeketesele.

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Kolosu 1:10

hanga nukende ngwe chinatela Mwene ku upemeno weswe, nukeme mihuko ha yitanga yeswe yipema, nukatatuke ni yinyingi yeswe ya Zambi:

Usolwelo 13:9

Kachi umwe uli ni matwi, evwe.

Usolwelo 2:11

Yoze uli ni matwi, evwe chize anambe Spiritu ku yikungulwila. Yoze makumba kechi kalemana nichimwe ku kufwa chamuchiali.

Usolwelo 2:7

Yoze uli ni matwi, evwe chize anambe Spiritu ku yikungulwila. Kuli yoze makumba, mungukamwaha mukulia ku mutondo wa mwono uze uli mu Paraisu ya Zambi.

Usolwelo 3:13

Yoze uli ni matwi, evwe chize anambe Spiritu ku yikungulwila.

Usolwelo 3:6

Yoze uli ni matwi, evwe chize anambe Spiritu ku yikungulwila.