Luka 8:52 - MUKANDA USANDU WA ZAMBI 1975

⁵² Eswe te kanalili, nikulila mbimbi hali iye; alioze wambile ngwenyi. Kanda nulila; mumu kafwileko, alioze mu tulo ali,

Mukanda Wa Zambi 1970

⁵² Atu eswe te kaanalili ni kulinyachinga ha chikuma cha mwana. Yesu yamba ngwenyi: “Kanda nulila. Kafwile ko, alioze mu tulo ali.”

Luka 8:52 Iomraidhean Croise

Ubutukilo 23:2

Mba Sara wafwile mu Kiriate-Arpa (likwo ngwo, Heprone) mu chifuchi cha Kanana. Mba Apalahama yeza mukulinyenga mumu hali Sara, nikumulila.

2 Samuel 18:33

Mwanangana wapinjile chikolo mu mbunge. Yaya ku chipatulo chili helu lia chikolo cha chihunda nikulila. Shimbu machiya yamba ngwenyi, Mwanami Absalome! Mwanamie, mwanami Absalome! Mu jina lia Zambi kachi nakufwilile! Absalome mwanami, mwanamie-e-e!

Kutuhuka 24:17

Kusoloka cha uhenya wa Yehova chapwile ngwe kahia ka kulalisa ha mbulwa mulundu kumeso ja A-Izalele.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Mateu 11:17

ngwo, Twembanga ndembo kuli yenu, alioze kunwahanganyine; twalinyenganga, alioze kunwalilile mbimbi.

Luka 23:27

Chizavu chinene cha atu ni cha mapwo amukawile, eno te kanalili mbimbi, nikulinyenga hali iye.

Luka 23:48

Mbunga jize jeswe akungulukile ku chitala chino, muze amwene yuma yize alingile, ahilukile, nikulamba tulo jo nikupihilila.

Luka 8:51

Muze ahetele ku zuwo, katayijile niumwe kunjila, shina Petulu ni Tiangu ni Yoano, ni tato ni naye ya mwana-pwo.

Luka 8:53

O amusehele, nikunyingika ngwo, Hafwa kulu.

Yoano 11:4

Alioze muze Yesu achivwile, wambile ngwenyi, Kuyiza chino hi cha kufwa ko, alioze cha kuneha uhenya kuli Zambi, hanga akachichimieke nacho mwe Mwana Zambi.