Luka 8:47 - MUKANDA USANDU WA ZAMBI 1975

⁴⁷ Muze pwo amwene kaswamine, wejile nikuchikima, iye nikufulamana kumeso jenyi, wambulwile kumeso ja atu eswe ha chikuma chize amusele minwe ni ngwe chize wahindukile haze hene.

Mukanda Wa Zambi 1970

⁴⁷ Muze pwo hamona ngwenyi, kaswamine, yeza nikuchikima, yafulamana ku meso ja Yesu, yamwambulwila ku meso ja atu eswe chikuma chize amukwachile ku hina ni chize ahindukile ha shimbu lizeliene.

Luka 8:47 Iomraidhean Croise

Miaso (Masamu) 2:11

Vumbikenu Yehova ni woma. Wahililenu nikuchikima.

Miaso (Masamu) 38:9

Mwene, kuzanga chami cheswe chili kumeso je. Mikuma yami kuyishi kuswama kuli yena.

Miaso (Masamu) 66:16

Tweyenu nwivwe, enu eswe nwavwila woma Zambi, mba mungulumbununa yize halinga ha mbunge yami.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Hosea 13:1

Ha kuhanjika Eframe, malunga achikimine; wanangamine mu Izalele; alioze wahile ha mulonga wa Mbale, wafwile.

Hosea 5:3

Ngunanyingika Eframe, Izalele kahashile kunguswamina, mumu, yena Eframe, hiwalinga ukoi; ena Izalele hiwalichisa.

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.

Mateu 28:8

O akatukile nikawashi ku fuka, ni woma ni uwahililo unene, azombokele mukwambulwila tumbaji twenyi.

Marku 5:33

Alioze pwo wakundamine nikwivwa woma, nikuchikima, nikunyingika chize halinga muli iye, wafulamanyine kumeso jenyi, wamwambulwilile umwenemwene weswe.

Luka 8:46

Alioze Yesu ngwenyi, Umwe wangusa minwe; mumu kunevwa tachi kujatuhuka muli yami.

Luka 8:48

Wambile kuli iye ngwenyi, Mwanami, hamuka; ufulielo we hiwakupwisa mungunu; uye kanawa.

Yilinga 16:29

Iye wechile lutemo, wanjilile fuji, nikuchikima, wafulamanyine kumeso ja Paulu ni Saila,

1 Korintu 2:3

Napwile hamwe ni yenu ni ulelu ni woma ni kuchikima chinji.

2 Korintu 7:15

Ni kuzanga chenyi kuchalumbama chikolo kuli yenu, shimbu anewuluka kwononoka cha yenu eswe, ngwe ni woma nikuchikima nwamutambwile.

Filipu 2:12

Chocho kashika, yenu akwetu a zango, chizechene ngwe nwakwononoka matangwa eswe, hi kumeso jami wika ko, alioze haliapwila Shinaho chikolo se yami chishiko, manununenu ulamwino wa yenwene ni woma ni kuchikima;

Hebreu 12:28

Kashika, ha kutambula wanangana uze kuushi kuhasa kunyika, tupwenu ni vumbi, ku lize tukavumbike Zambi ni uvumbiko wa kupemena chikolo, ni ulemeso ni woma.

1 Samuel 16:4

Samuel yalinga chize Yehova yamwamba; yeza ku Mbeteleme. Makulwana a chihunda yamupatwiza nikuchikima. Yamba ngwo, Nuneza ni sambukila?