Luka 8:42 - MUKANDA USANDU WA ZAMBI 1975

⁴² mumu wapwile ni mwana umuwika wa pwo ni ngwe kumi lia miaka ni miaka yiali, wapwile hakamwihi ni kufwa. Alioze shimbu ayile, mbunga amushinjekele.

Mukanda Wa Zambi 1970

⁴² mumu te kali lume ni mwana umuwika wa pwo wa miaka kumi ni yaali, te kanahuzu. Shimbu Yesu ayile, mbunga yaamushinjeka sali ni sali.

Luka 8:42 Iomraidhean Croise

Jobe 4:20

Hakachi ka chimene ni chingoloshi mafwa lume; manonga ndo ku miaka, niumwe machisa mbunge.

Longeshi 6:12

Iya manyingika chize chapemena mutu mu mwono wenyi, matangwa eswe a mwono wenyi wamokomoko uze kakupalikisa ngwe Chizulie? Iya mahasa kulweza mutu chize muchipwa kushi lia tangwa muze iye hanayi?

Ezekiel 24:16

Mwana mutu, nyingika kanawa ngunambe kukutambula susumuku chize meso je anawahilila nacho; alioze kanda ulishimwoka chipwe kulila, chipwe kutayiza masoji je kusotwoka.

Ezekiel 24:25

Ni yena mwana mutu, ha tangwa lize mungukaatambula chihunda cho cha kukolesa, uwahililo wo ni uhenya wo, ni chize meso jo kakuwahilila nacho ni mbunge jo kujakuzanga, hamwe ni ana jo a malunga ni a mapwo.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Marku 5:24

Iye wayile hamwe nenyi. Ni mbunga yinene amukawile, no amushinjiekele.

Luka 7:12

Shimbu machikundama ku chikolo cha limbo, kumanyi, ambachile haze lunga mufu, mwana wa wika wa naye, iye twamishi; ni mbunga yinene ya ku limbo apwile hamwe nenyi.

Luka 8:41

Kumanyi, lunga wejile, jina lienyi Yara, iye wapwile mukwa kuyula sunangonga, wafulamanyine ku yiliato ya Yesu, waliumbile kuli iye, eze ku zuwo lienyi;

Luka 8:43

Ni pwo, yoze wapwile ni musongo wa kuhita manyinga kumi lia miaka ni miaka yiali, mwenawo wahwishile kulu yikumba yenyi yeswe kuli mbuki, alioze kahashile kumuwuka niumwe.

Luka 8:45

Yesu wambile ngwenyi, Iya wangusa minwe? Muze eswe alikalile, Petulu ni waze apwile hamwe nenyi ambile ngwo, Mwata, mbunga anakujingilika, nikukushinjeka, ni yena ngwe, Iya wangusa minwe, nyi?

A-ROMA 5:12

Kashika, chizechene ngwe kuli mutu umuwika shili yanjilile hano hashi, ni ku shili kufwa chanjilile; chocho kufwa chahetele kuli atu eswe, mumu te eswe avulumwine: