Luka 8:39 - MUKANDA USANDU WA ZAMBI 1975

³⁹ Hiluka ku zuwo lie, ukambujole yuma yinene hakulingila Zambi. Iye wayile kwenyi, nikwambujola ndusu mu limbo lieswe yuma yinene amulingilile Yesu.

Mukanda Wa Zambi 1970

³⁹ “Hiluka ku mahie. Wambujole yize yeswe Zambi hakulingila.” Mwe lunga yaya kwenyi, yambujola mu limbo heswe yize amulingilile Yesu.

Luka 8:39 Iomraidhean Croise

Miaso (Masamu) 66:16

Tweyenu nwivwe, enu eswe nwavwila woma Zambi, mba mungulumbununa yize halinga ha mbunge yami.

Marku 1:45

Alioze watuhukile, waputukile kuchambujola chikolo, nikufumanyisa che chuma, chocho Yesu kahashile kunjila nawa kumeso ja atu mu limbo, alioze wapwile haze mu puya: no apwile nikwizaza kuli iye ku malumbu eswe.

Marku 5:18

Shimbu anjilile mu ulungu, yoze wapwile kushi ni andemoniu, waliumbile kuli iye hanga akapwe hamwe nenyi.

Marku 5:19

Iye kamutayijileko, alioze yamba kuli iye ngwenyi, Yako ku mahienu kuli usoko we, ukaambulwile yize yuma yinene hanakulingila Mwene, ngwe chize akuvwilanga keke.

Luka 8:38

Alioze yoze lunga muli iye atuhukile andemoniu, waliumbile kuli iye hanga akapwe hamwe nenyi: alioze washikile nenyi ngwenyi,

Luka 8:40

Muze Yesu ahilukile, mbunga amusambililile; mumu o eswe apwile nikumutalatala.

Yoano 4:29

Tweyenu, nukamone mutu, yoze wangwambulwilanga yuma yize yeswe nayilingile: kuma, yono mwe Kristu, nyi?

Shimbi 10:21

Iye uhaliso wenu; iye Zambi yenu, hananulingila yuma yino yinene, kole ni mwongo, meso jenu hanayimono.

1 Timoteu 5:8

Alioze kachi umwe keshi kulisa atu jenyi mwene, ni kuhiana chikolo akwa zuwo lienyi, kachi hanalikate Ufulielo, kapiha kuhiana yoze keshi kufuliela.