Luka 8:35 - MUKANDA USANDU WA ZAMBI 1975

³⁵ O atuhukile mukumona chize chapwile, ejile kuli Yesu, awanyine mutu yoze muli iye hatuhuka andemoniu, kanatwama ku yiliato ya Yesu, hazala hina, hapwa ni mana, no evwile woma.

Mukanda Wa Zambi 1970

³⁵ Atu yaatuhuka ni kutala chize chabwile, yaaheta kuli Yesu, yaamona mutu muli yoze mwatuhukile mwiku wa luchisa, kanatwama ku molu ja Yesu, hazala mahina, habwa ni manyonga a utu, mba atu yeevwa woma.

Luka 8:35 Iomraidhean Croise

Miaso (Masamu) 51:10

Zambi, tenga muli yami mbunge yipema. Lulika Spiritu ya kululama muli yami.

Izaya 53:12

Kashika mungukamwanyina chihanda chenyi hamwe ni akwa ulemu. Yuma ya kupupa mu jita nawa kumakayanyina hamwe ni akwa tachi, mumu wazukwile mwono wenyi mu kutwa, amwalwile hamwe ni yitanguke; wambachile shili ya anji; wahakwilile yitanguke.

Mateu 4:24

Lufuma wenyi wafumanyine mu Seria mweswe; anehene kuli iye waze eswe ayijile, a kukwachika ni misongo yeka ni yeka ni yipupilo, ni akwa ndemoniu, ni akwa musongo wa ngulu, ni akwa kalepa, waawukile.

Marku 5:15

Yeza kuli Yesu, yamona mukwa ndemoniu, yoze wapwile kushi ni tununu, kanatwama, kanazala hina, hapwa ni mana: no evwile woma.

Luka 10:39

Iye wapwile ni mwanakwo, jina lienyi Maria, yoze Watwamine nawa ku yiliato ya Yesu, nikwivwa liji lienyi.

Luka 15:17

Muze akwachile mana, wambile ngwenyi, Ngamba apwa haha a tata, ali ni mbolo ja kulumbama, ni yami ngunafu kuno ni zala.

Luka 2:46

Kulutwe lia matangwa atatu, amuwanyine mu tembele, kanatwama mukachi ka alongeshi, kanaapanjika, kanaahula yihula.

Luka 8:27

Muze atuhukile hashi, umwe lunga wa ku limbo watakanyine nenyi, mwenawo wapwile ni andemoniu shimbu linene, kazalile hina, katwamine mu zuwo, alioze hakachi ka chifuka.

Luka 8:34

Muze waze aalishile amwene chize alingile, achinyine akachambulule mu limbo ni ku minda.

Yilinga 22:3

iye yamba ngwenyi, Yami nguli Ka-Yunda, nasemukine mu Tarsu, limbo lia mu Selishia, alioze nafumbiwile mu limbo lino ku yiliato ya Ngamaliele, nalongolokele nikulita ni cheseko cha pundu cha shimbi ya tulamba twetu, nikusela mbunge yami yeswe hali Zambi, ngwe yenu eswe nwakulinga tangwa lino.

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.