Luka 8:14 - MUKANDA USANDU WA ZAMBI 1975

¹⁴ Yize yaholokelele hakachi ka mingonga, waze hanevu ni shimbu maya mu jila yo, makeketela ni yipikalo ni upite ni kuwaha cha mwono uno, keshi kwima mbuto ku ungunu.

Mukanda Wa Zambi 1970

¹⁴ Akwo akutambula mbuto mukachi ka mingonga. Kaalifwa ni waze akwivwa liji lia Zambi, alioze yibikalo, ni upichi, ni kuwaha cha mwono wa hashi kuyakwakumba, keeshi kwima mihuko yingunu.

Luka 8:14 Iomraidhean Croise

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Marku 4:19

alioze yipikalo ya mwaka uno, ni kwonga cha upite, ni usolo wa yuma yikwo ha kunjila, muyikeketesa lie liji, mulikunda.

Luka 16:13

Ngamba niumwe mahasa kulingila miata aali, mumu chipwe mavwila kole umwe, akazange mukwo; hanji makakaminya kuli umwe, akalelese mukwo. Kunwahashile kulingila Zambi nikulingila upite nawa.

Luka 21:34

Alioze keyelenu kuli yenwene kuchina hanji mbunge jenu mujilema ni upulutu, ni kuzengewa, ni yipikalo ya mwono uno, ni tangwa lize mulitulumuka hali yenu ngwe muheto susumuku hiliasoloka.

Luka 8:13

Alioze waze ha liwe, waze muze hevwa, matambula liji ni uwahililo; ni wano keshi miji, mafuliela ha kashimbu, ni ha mwaka wa cheseko masulumioka.

Luka 8:15

Yize ha mavu apema, waze mu mbunge jipema, jashishika, muze hevwa liji, malikakaminya, mema mbuto ni uhumikizo.

Luka 8:7

Yikwo yaholokelele mukachi ka mingonga; ni mingonga yasokele kumuwika nayo, yayikeketesele.

Yoano 15:6

Kachi mutu keshi kutwama muli yami, kachi mamumbila haze ngwe mutango, iye malela, mba mayikunga, mayimbila mu kahia, yikaweme.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.

2 Timoteu 4:10

mumu Ndima hanangwehuka, mumu kanafwila yuma ya mwakono, hanayi ku Tesalonika; Cresene hanayi ku Ngalashia, Titu hanayi ku Ndalamashia.

Hebreu 6:1

Kashika nikuhichika liji lia uputukilo lia Kristu, tusenyenu kulutwe ku ungunu; kanda tusela cheka nawa fundamentu ya kulikonyeka ku yitanga ya kufwa, ni Ufulielo kuli Zambi,