Luka 8:13 - MUKANDA USANDU WA ZAMBI 1975

¹³ Alioze waze ha liwe, waze muze hevwa, matambula liji ni uwahililo; ni wano keshi miji, mafuliela ha kashimbu, ni ha mwaka wa cheseko masulumioka.

Mukanda Wa Zambi 1970

¹³ Akwo kaalifwa ngwe mavu a ha mawe kuze kwakuholokela mbuto. Kaakwivwa liji lia Zambi, ni kaakulitambula ni uwahililo. Hindu lie liji kulishi miji muli ayo. Enoo akufuliela ha shimbu likepe, alioze muze yeseko yakwiza, kaakutalinga.

Luka 8:13 Iomraidhean Croise

Jobe 19:28

Nyi munwamba ngwenu, Kuchi mutumuhungumiona? Se nguli ni chikota cha che chuma muli yami,

Yishima 12:12

Chingulungulu kakuzanga kambwila wa atu api; alioze chikota cha mukwa ululi chakwima.

Yishima 12:3

Mutu keshi kukola ku ungulungulu; alioze chikota cha mukwa ululi kuchichi katukuka nilimwe tangwa.

Izaya 58:2

Hindu kakungufupa tangwa ha tangwa, ni kuwaha ha kunyingika ndako jami, ngwe umwe munyachi wa kulinga ululi, ngwe kambilile shimbi ya Zambi yo. Kakungwita upatwilo wa ululi, kakuwaha ni kukundama kuli Zambi.

Ezekiel 33:32

Ni yena kuwapwa kuli ayo ngwe umwe mukwa kwimba miaso ya zango ni liji lipema, nikwimba kanawa ha chisaji, mumu kwivwa kakwivwa chize muwamba, alioze kulinga kechi kuchilinga.

Hosea 6:4

Ngulinge yika ni yena Eframe? Ngulinge yika ni yena Yunda? Zango lie Hapwa ngwe lelwa lia chimene; ngwe mume uze wakuya washiwashi.

Marku 6:20

Mumu Heronde wevwile woma wa Yoano, mumu kananyingika iye mukwa ululi, kanda musandu. Mba wamufungile kanawa, ni muze amuvwile, wakakashanyine chikolo, alioze wamuvwile ni kuwaha.

Luka 8:12

Alioze waze a ku sesa lia jila, waze hanevu; kulutwe lia chize meza Ndiapu, machiza liji ku mbunge jo, hanga kechi kafuliela akaalamwine.

Luka 8:14

Yize yaholokelele hakachi ka mingonga, waze hanevu ni shimbu maya mu jila yo, makeketela ni yipikalo ni upite ni kuwaha cha mwono uno, keshi kwima mbuto ku ungunu.

Yoano 15:2

Mitango yize yeswe muli yami kuyishi kwima mihuko, mayichiza: ni mitango yize yeswe muyima mihuko, mayipemesa, hanga yikeme mihuko kuhiana.

Yoano 15:6

Kachi mutu keshi kutwama muli yami, kachi mamumbila haze ngwe mutango, iye malela, mba mayikunga, mayimbila mu kahia, yikaweme.

Yoano 5:35

Iye wapwile ndaya ya kuyila, ya kupanguka; ni yenu nwapalile ha shimbu kulikwiza mu pangu lienyi.

1 Korintu 13:2

Chipwe mungupwa nikuprofeteza, chipwe mungunyingika yijimbikilo yeswe, ni yinyingi yeswe; chipwe mungupwa ni Ufulielo weswe, chocho munguhasa kututulula milundu, alioze kachi chishi zango, ngunapu wamokomoko.

1 Korintu 15:2

ku lienalio hananulamwina, kachi munukalalaminya liji lize nanwambujolele, shina nwafulielele chamokomoko.

Galashia 3:1

Yenu A-Ngalashia nunahepuka, iya hananwongo, yenu, kwe kumeso jenu, asolwele pundu Yesu Kristu wa kuliachila ha kulusu?

Galashia 3:4

Nwevwile lamba lipwa haha chamokomoko, nyi? Kachi chamwenemwene hichapwa chamokomoko.

Efesu 3:17

hanga Kristu akatwame mu mbunge jenu ku Ufulielo; hanga yenu nikutanda miji, nukajikize mu zango;

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.

Kolosu 2:7

nukatande miji, nukondomoke muli iye, nukalikoleze mu Ufulielo wenu, chizechene ngwe anulongesele, nikulumbama mu kusakwila.

1 Tesalonika 3:5

Ha chikuma chino ni yami nawa se Chahashile kulihumikiza nawa, natumine hanga ngukanyingike Ufulielo wenu, kuchina hanji mukwa kuzeza hanweseka kulu, kukilikita chetu chikapwe chamokomoko.

1 Timoteu 1:19

Ukakakaminye ku Ufulielo ni mbunge yipema; amwe se hanalichinjiyo, asakaminyine mu jila ha kutwala ku Ufulielo.

Hebreu 10:39

Alioze yetu hi tuli akwa kusosolokela kunyima ko ku kwonwona; aiioze tuli akwa kufuliela ha ulamwino wa mwono.

Tiangu (Jake) 2:26

Mumu chizechene ngwe mujimba kuushi Spiritu kuunafu, chocho nawa Ufulielo kuushi yitanga kuunafu.

2 Petulu 2:20

Mumu kachi muze te homboka ku luchisa wa hashi ku chinyingi cha Mwene kanda Chilamwina chetu Yesu Kristu, malimbalimbamo cheka nawa, akaakumbe, muhela wo wa kusula hiwapwa upi Wahiana.

2 Petulu 2:22

Alioze hichinaawane nikulita ni chishima chamwenemwene ngwo, Kawa hanahilukila ku yisaza yenyi mwene; chikwo ngwo, Ngulu wa kusanyisa hanahilukila mukusandumioka mu malowa.

1 Yoano 2:19

Atuhukile mukachi ketu, aiioze kapwile a kuli yetu; mumu kachi apwile a kuli yetu, kachi atwamine hamwe ni yetu, aiioze hanga akaasolole ngwo, O eswe hi a kuli yetu ko.

Yuda 1:12

Wano anapu yipeka mu yiteleka yenu ya zango, muze maliangana hamwe ni yenu, tufunga waze keshi woma, kakulilisa ene; malelwa aze keshi meya, a kuhungumioka kweka ni kweka ku fuji; mitondo ya lushiho kuyakakaminya, kuyinafu kaali, ya kutangumuka;