Luka 8:10 - MUKANDA USANDU WA ZAMBI 1975

¹⁰ Iye wambile ngwenyi, Hananwehecho kunyingika yijimbikilo ya wanangana wa Zambi, alioze kuli akwo yinapu ni yishima; hanga nikutala, kechi kamona, nikwivwa, kechi kanyingika.

Mukanda Wa Zambi 1970

¹⁰ Neye ngwenyi: “Yenu hananwehe cho kunyingika yijimbikilo ya Wanangana wa Zambi. Alioze akwo kaakuyitambula ni yishima, hanga ngwo: ‘Maakatala kutala, hindu keechi kumona. Maakatala kubanjika, hindu keechi kunyingika.’ ”

Luka 8:10 Iomraidhean Croise

Miaso (Masamu) 25:14

Usepa wa Yehova uli kuli waze akumuvwila woma; maalweza usendo wenyi.

Izaya 29:14

kashika cheka nawa mungulinga yikomokeso ni vungu lino; te yikomokeso ni yipupu. Mana ja akwa mana jo kumakakuwa, ni malinjekela ja akwa malinjekela kumakafukiwa.

Izaya 44:18

Kanyingikine, kuchaalumbunukine mumu iye hayika meso jo, kashika kahashile kumona. Hayika manyonga jo, kashika kahashile kunyingika.

Izaya 6:9

Aye yamba ngwenyi, Yako ukambulwile wano atu ngwe, Kwivwa munwivwa, alioze kuchichi kunulumbunuka, Kumona munumona, alioze kunuchi kunyingika.

Jeremia 5:21

Ivwenu chino enu vungu lia yelo ni yizuzuke, nuli ni meso alioze kunwamwene, nuli ni matwi alioze kunwevwile.

Ezekiel 12:2

Mwana mutu, kuwatwama hakachi ka munyachi wa yihulia. Kali ni meso a kumona no, alioze kamwene. Kali ni matwi a kwivwa no, alioze kevwile, mumu kapwa munyachi wa yihulia.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 16:17

Yesu wamukumbulwile, ngwenyi, Kuwawaha yena, Semone, mwana Yona, musunya ni manyinga kayisolwele kuli yena, alioze Tata yoze uli mu malilu.

Marku 4:11

Iye wambile kuli ayo ngwenyi, Hananwehecho kunyingika chijimbikilo cha wanangana wa Zambi: alioze kuli waze ali haze, yuma yeswe kakuyilinga ni yishima:

Marku 4:12

hanga ha kutala, akatale, alioze kechi kamona; mba ha kwivwa akevwe, alioze kechi kanyingika; kuchina hanji malumuka, maakonekenacho.

Yoano 12:40

Iye hanapupuchisa meso jo, iye hanakalisa mbunge jo; Kuchina mamona ni meso jo, manyingika ni mbunge jo, akalumuke, Ni yami mungwahindwisa.

A-ROMA 16:25

Haliapwila kuli yoze wahasa kunutakamisa, nikulita ni sango lipema lia yami ni kwambujola cha Yesu Kristu, nikulita ni usolwelo wa chijimbikilo, chize aswekele chize ku miakulwila,

1 Korintu 12:11

alioze Spiritu umuwika kakulingisa yino yuma yeswe, nikwanyina kuli mutu ni mutu, chizechene ngwe mapala.

Shimbi 29:4

Alioze Yehova kanuhele mbunge ya kunyingika, ni meso a kumona, ni matwi a kwivwa, ndo ku tangwa lino.

Kolosu 2:2

hanga mbunge jo jikalilembejeke, ha kulinunga mu zango, hanga akapwe ni kulumbama cheswe cha chinyingi cha malinjekela, hanga akanyingike chijimbikilo cha Zambi, chenacho Kristu,

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.