Luka 7:7 - MUKANDA USANDU WA ZAMBI 1975

⁷ kashika chipwe chatelele kwiza kuli yena, alioze ambenu liji, ni mukweze wami kumahinduka.

Mukanda Wa Zambi 1970

⁷ Chibwe yami chatelele ngwize kuli yena. Alioze amba liji wika, mba kavumbi kami kumahinduka.

Luka 7:7 Iomraidhean Croise

Miaso (Masamu) 107:20

Iye matuma liji lienyi nikwawuka, nikwapulula ku mawumbu a kwonwona.

Miaso (Masamu) 33:9

Mumu iye wahanjikile mba chalingiwile. Watuminyine mba chakolele.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Marku 1:27

Eswe akomokene, nikulihula hakachi ko ngwo, Chino chika? Longeso lino liaha kuchi liapwa? Mumu ni chiyulo mamba chipwe maspiritu a luchisa, no mamwononokena.

Luka 4:36

Mba eswe akomokene, o ahanjikile umwe kuli mukwo ngwo, Liji lino lika, mumu ni chiyulo ni tachi mamba maspiritu a luchisa, o matuhuka?

Luka 5:13

Iye wolwele kwoko lienyi, wamusele minwe, ngwenyi, Ngunapale; pwako mungunu; haze hene mbumba yenyi yamukatukile.

Luka 7:6

Yesu wayile hamwe no, ni muze haheta hakamwihi ni zuwo, kapitau watumine tusendo kuli iye, ngwo, Mwene, kanda ulikatalisa; mumu chatelele unjile mu zuwo liami;

Luka 7:8

Mumu yami nawa nguli mutu angusele mushi lia chiyulo, ni nguli no mushi lia yami, maswalale, mungwamba kuli yono ngwami, Yako, mba maya; ni kuli mukwo ngwami, Tweya, mba meza; ni kuli ndungo ngwami, Linga chino, mba machilinga.

Shimbi 32:39

Haliapwila talenu. Ngwami, Yami, yami mwene nguliko. Kukushi niumwe zambi hamwe ni yami. Nakushiha mba nakuhana mwono, nakulemeka mba nakuwuka. Kukushi niumwe mahasa kupulula mutu ku kwoko liami.

1 Samuel 2:6

Yehova kakushiha; kakupwisa ni mwono. Kakupalumwisa ku Shiole; kakukandwisa nawa.