Luka 7:6 - MUKANDA USANDU WA ZAMBI 1975

⁶ Yesu wayile hamwe no, ni muze haheta hakamwihi ni zuwo, kapitau watumine tusendo kuli iye, ngwo, Mwene, kanda ulikatalisa; mumu chatelele unjile mu zuwo liami;

Mukanda Wa Zambi 1970

⁶ Mba Yesu yaya hamwe no. Te haheta hehi ni zuwo, muze mwe mwata yatuma masepa jenyi ni kumwamba ngwo: “Mwene, kanda uliaha lamba, yami chatelele nichimwe yena unjile mu zuwo liami.

Luka 7:6 Iomraidhean Croise

Ubutukilo 32:10

Ami chatelele, chipwe hakehe, utu wa zango lie ni umwenemwene we walweza kuli yami kuvumbi ke. Mumu nazaukile yono Yordau ni mulumbu wami, haliapwila hinapwa yendo yiali.

Yishima 29:23

Kulengumuka cha mutu muchimulimbwisa; alioze mukwa kulikehesa mazuka ulemu.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Mateu 3:11

Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Marku 5:24

Iye wayile hamwe nenyi. Ni mbunga yinene amukawile, no amushinjiekele.

Luka 5:8

Alioze Semone Petulu muze achimwene, wafulamanyine ku makungunwa ja Yesu, ngwenyi, Mwene, katukenu kuli yami, mumu nguli chivulumunyi.

Luka 7:4

O muze ejile kuli Yesu, aliumbile kuli iye ngwo, Kanatela ulinge chino hali iye;

Luka 7:5

mumu kanazange vungu lietu, iye mwene watutungile sunangonga yetu.

Luka 7:7

kashika chipwe chatelele kwiza kuli yena, alioze ambenu liji, ni mukweze wami kumahinduka.

Luka 8:49

Shimbu te achili nikuhanjika, umwe wa ku zuwo lia mukwa kuyula sunangonga yeza, nikwamba kuli iye ngwenyi, Mwané hafwa, kanda ukatalisa Longeshi nawa.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Tiangu (Jake) 4:10

Likehesenu kumeso ja Mwene, iye kumakanulemesa.

Tiangu (Jake) 4:6

Alioze kakuhana vumbi liahiana. Kashika chisoneko chinambe ngwo, Zambi kakulimika ni akwa kulizelula, aiioze kakuhana vumbi kuli akwa kulikehesa.