Luka 7:46 - MUKANDA USANDU WA ZAMBI 1975

⁴⁶ Mutwe wami ni yitumbo kwauwayishile, alioze iye hawayisa yiliato yami ni yitumbo.

Mukanda Wa Zambi 1970

⁴⁶ Kuwawayishile mutwe wami ni maji, alioze iye hawayisa molu jami ni maji a vumba libema.

Luka 7:46 Iomraidhean Croise

2 Samuel 12:20

Mba David yakatuka ha mavu, yasana, yalikwita maji, yazala mazalo eka, yanjila mu zuwo lia Yehova yawayila. Mba yaya ku zuwo lienyi. Muze heta kuli ayo yamwaha kulia, yalia.

2 Samuel 14:2

Kashika Joabe yatuma ku Tekoa yasaka umwe pwo mukwa mana. Yamba kuli iye ngwenyi, Ulionge kama kupwa ngwe umwe wafwisa mutu. Zala kama mazalo a tuliwa. Kanda ulikwita maji alioze pwako ngwe umwe halinyengena mufu shimbu linene.

Miaso (Masamu) 104:15

ni vinyu yiza ya kuwahisa mbunge ya atu, ni maji a kulejimisa meso jenyi, ni kulia cha kutakamisa mbunge yenyi.

Miaso (Masamu) 23:5

Wakungwalila mesa kumeso ja akwa kole jami. Wakuwayisa mutwe wami ni maji. Musenge wami kuunasupwoka.

Longeshi 9:8

Mazalo je akatome matangwa eswe; kanda uhona maji ha mutwe we.

Daniel 10:3

Chalile yuma yipema; chipwe yifwo, chipwe vinyu, kuyanjilile mu kanwa liami, chipwe kulikwita maji ka, ha semana jitatu ja muwundu.

Amose 6:6

Kakunwa vinyu mu misenge yinene; kakulikwita maji apema alioze kevwile kupiha ha kuji-ni-tomo lia José.

Mika 6:15

Munukuwa mbuto alioze kunuchi kacha. Munufunga mitondo ya olevwe ahoze kunuchi kalikwata maji. Munukama uva ahoze kunuchi kanwa vinyu.

Mateu 6:17

Alioze yena muze mulitwamina kulia, wayisa mutwe we, usane ku meso je;

Luka 7:47

Kashika, ngwami, Ngunamukonekena milonga yenyi yinji; mumu wazangile chikolo: alioze yoze mamukonekena chikepe, mazanga chikepe.

Rute 3:3

Sana, ulikwichile maji ukazale mazalo je apema, ukaye ku chizungwilo alioze kanda ulisolola kuli mwe lunga ndo hamana kulia ni kunwa.