Luka 7:44 - MUKANDA USANDU WA ZAMBI 1975

⁴⁴ Iye, nikutewulukila kuli pwo, wambile kuli Semone ngwenyi, Unamono yono pwo, nyi? Nanjilanga mu zuwo lie, kwanguhele meya a kusanyisa yiliato yami, alioze iye hasanyisa yiliato yami, yayikusumuna ni kambu jenyi.

Mukanda Wa Zambi 1970

⁴⁴ Mba yatewuluka kuli mwe pwo, yambila Simone ngwenyi: “Unamono pwo yono, nyi? Haanga chinanjililanga mu zuwo lie, kuwanguhele meya a kusanyisa molu jami, alioze iye hangusanyisa molu ni masoji jenyi, haakusumuna ni kambu jenyi.

Luka 7:44 Iomraidhean Croise

Ubutukilo 18:4

Ngunehe amwe meya akepe ngukasanyise yiliato yenu, nuchihwime mushi lia mutondo.

Ubutukilo 19:2

Yamba ngwenyi, Ene jami, ngunaliumbu, kondolokelenu ku zuwo lia yami kavumbi kenu nutwamemo Ufuku. Nusane ku molu, mba munukahinduka, nukaye jila yenu. O yamba ngwo, Ka, haze mutupomba ufuku.

Ubutukilo 43:24

Mwe kaselo yatwala malunga mu zuwo lia José, yaaha meya, yasanyisa molu jo, yahana kulia kuli yimbulu jo.

2 Samuel 11:8

Mba David yamba kuli Uriya ngwenyi, Palumuka ku zuwo lie usane ku molu. Uriya yakatuka ku zuwo lia mwanangana, mba kwamukawile kulia cha kuli mwanangana.

Luka 7:38

iye, nikumana kunyima ku yiliato yenyi, nikulila, waputukile kusanyisa yiliato yenyi ni masoji jenyi, wayikusumwine ni kambu ja mutwe wenyi; wambejele yiliato yenyi, wayiwayishile ni yitumbo.

Luka 7:43

Semone wakumbulwile, ngwenyi, Ngunashinginyeka yoze amukonekenene lize liahiana. Wambile kuli iye ngwenyi, Hiwapatula kanawa.

Yoano 13:5

Kulutwe yatehuna meya mu mbashila, yaputuka kusanyisa yiliato ya tumbaji, ni kuyikusumuna ni twaya lize walijichikile nalio.

1 Timoteu 5:10

kanamushindakenya ha yitanga yipema; kachi hanalele ana kachi hanazumbula ngeji, kachi hanasanyisa yiliato ya asandu, kachi hanakwasa akwa kuyindama, kachi hanakaula yitanga yeswe yipema.

Tiangu (Jake) 2:6

Alioze yenu hinunasaula chiswale. Pichi keshi kunumwesa lamba, nyi? Keshi kunukoka ku usopelo, nyi?

Akwa Kuyula 19:21

Chocho yamutambula mu zuwo lienyi, yahana kulia kuli yimbulu. E atu asanyine ku molu chocho yalia, yanwa.

1 Samuel 25:41

Iye yakatuka, yahetamina hashi, yamba ngwenyi, Yami kavumbi kenu nguli ngamba wa kusanyisa yiliato ya ngamba ja mwene wami.