Luka 7:42 - MUKANDA USANDU WA ZAMBI 1975

⁴² Muze kapwile nacho nichimwe cha kufweta, waakonekenene eswe aali. Iya wa kuli ayo mamuzanga kuhiana?

Mukanda Wa Zambi 1970

⁴² Muze niumwe hakachi ko kahashile kumufweta, yajimuna kongo lio eswe aali. Iya hakachi ka wano aali mamuzanga kuhiana?”

Luka 7:42 Iomraidhean Croise

2 Samuel 14:13

Pwo ngwenyi, Nyi chocho, kuchi te hinwahala chuma chino cha kulimika ni atu a Zambi? Mumu ha kuhanjika liji lino yenu mwanangana nuli ngwe umwe chivulumunyi se mwe mwanangana katumine kusaka mwanenyi yoze wahumine.

Miaso (Masamu) 103:3

Iye kakukonekena uhenge we weswe; kakuwuka misongo ye yeswe.

Izaya 43:25

Yami, Yami Nguli mwe mukwa kujimuna Utanguko wenu ha mukunda wa yami mwene; chichi kewuluka nawa milonga yenu.

Izaya 44:22

Hinajimuna utanguko we ngwe lelwa. Hinajimuna milonga ye ngwe mbundu. Hiluka kuli yami mumu nakukulile.

Mateu 18:27

Mba mwene wa ndungo yoze, se wamuvwilile keke, wamutuswile, wamukonekenene kongo lienyi.

Mateu 18:34

Mwene wenyi watenukine, wamukunjikile kuli akwa kupinjisa, ndo mafweta kongo lieswe.

Mateu 6:12

Utukonekene kama makongo jetu ngwe yetu nawa twakukonekena waze ali ni makongo kuli yetu.

Luka 7:43

Semone wakumbulwile, ngwenyi, Ngunashinginyeka yoze amukonekenene lize liahiana. Wambile kuli iye ngwenyi, Hiwapatula kanawa.

A-ROMA 3:24

Se hanatusambisa chawana ku vumbi lienyi, ku ukule uze uli muli Kristu Yesu:

A-ROMA 5:6

Mumu shimbu te kutushi tachi, ha mwaka wa kulita Kristu wafwilile yitanganyanyi.

Galashia 3:10

Mumu waze eswe a ku yitanga ya shimbi, kushi lia shingo ali: mumu chinasonewa ngwo, Kashingiwa mweswe keshi kunyongonona mu yuma yize yeswe yinasonewa mu mukanda wa shimbi mukuyilinga.

Efesu 1:7

Muli iye, ukule tuli nawo ku manyinga jenyi, we ukonekeno wa milonga yetu, nikulita ni kulumbama cha vumbi lienyi.

Efesu 4:32

Pwenu ni utu umwe kuli mukwo, akwa mbunge ja kwivwa keke, nikulikonekcna umwe ni mukwo, chizechene ngwe Zambi nawa hananukonekena muli Kristu.

Kolosu 3:13

nikulihumikiza umwe ni mukwo, nikulikonekena umwe ni mukwo, kachi umwe munengo a muli nawo mukwo, chizechene ngwe Kristu hananukonekena, chocho ni yenu nawa nulikonekene.