Luka 7:41 - MUKANDA USANDU WA ZAMBI 1975

⁴¹ Ngwenyi, Umwe mukwa kuhana mikuli wapwile ni akwa mikuli aali; umwe wapwile ni kongo lia kulakaji atano a mbongo, ni mukwo makumi atano.

Mukanda Wa Zambi 1970

⁴¹ Yesu ngwenyi: “Atu aali asondamine mbongo kuli umwe mukwa kusondamisa. Mukwo yamusondama kulakaji jitano, mukwo makumi atano.

Luka 7:41 Iomraidhean Croise

Izaya 50:1

Yehova kanambe ngwenyi, Mukanda wa noko, wa kumulakula ulihiwo, uze namulakwile nawo? Nanuhanyine tombo kuli iya hakachi ka akwa mikuli yami? Nwalanjiwile mumu ha uhenge wenu; ha Utanguko wenu ahumine noko.

Jeremia 3:11

Ni Yehova yamba kuli yami nawa ngwenyi, Uhie wa mukwa mafwefwe Izalele ukepe, wa mukwa mahuza Yunda unene.

Kwalula 27:3

Tata wafwile mu puya, iye kapwile hakachi ka mbunga ya atu alikungulwile nikulimika ni Yehova, mu mbunga ya Kora, hindu iye yafwa ni mutonga wenyi mwene. Kapwile ni ana a malunga.

Mateu 18:28

Alioze yoze ndungo ha kutuhuka, wawanyine umwe ndungo-ni-mukwo, yoze wapwile ni kongo kuli iye lia kulakaji lia mbongo: wamukwachile, wamwokele ku muliwu, ngwenyi, Ngufwete kongo liami.

Mateu 6:12

Utukonekene kama makongo jetu ngwe yetu nawa twakukonekena waze ali ni makongo kuli yetu.

Marku 6:37

Alioze waakumbulwile, ngwenyi, Ahenu kulia. O yamba kuli iye ngwo, Tuye, tukalande mbolo ya kufwika kulakaji aali a mbongo, tukaahe kulia, nyi?

Luka 11:4

Utukonekene kama milonga yetu; mumu yetu nawa twakukonekena mweswe uli ni kongo kuli yetu. Kanda ututwala kama ku cheseko, alioze tupulule kama kuli mwe mupi.

Luka 12:48

Alioze yoze kanyingikineko, walingile yuma ya kutela lamba, kumamulamba ni mijiji yikepe. Ni mweswawo mamwaha yinji, kuli iye kumafwetesa yinji: ni kuli yoze makunjika yinji, kuli iye maketa yinji yahiana.

Luka 13:4

Hanji waze kumi ni nake, hali ayo kaposhi ka Selome wapuzukile nikwashiha, nunashinginyeka ngwe o apwile yitanguke ahiana atu eswe akutwama mu Yerusaleme, nyi?

Luka 7:40

Yesu wamukumbulwile, ngwenyi, Semone, chuma chimwe nguli nacho kwamba kuli yena. Iye yamba ngwenyi, Longeshi, ambenu.

Luka 7:47

Kashika, ngwami, Ngunamukonekena milonga yenyi yinji; mumu wazangile chikolo: alioze yoze mamukonekena chikepe, mazanga chikepe.

A-ROMA 3:23

Mumu eswe hanavulumuna, kanahono uhenya wa Zambi.

A-ROMA 5:20

Achi, shimbi yanjilile hanga mulonga ukalumbame, alioze kuze shili yalumbamine, vumbi lialumbamine kuhiana chikolo.