Luka 7:40 - MUKANDA USANDU WA ZAMBI 1975

⁴⁰ Yesu wamukumbulwile, ngwenyi, Semone, chuma chimwe nguli nacho kwamba kuli yena. Iye yamba ngwenyi, Longeshi, ambenu.

Mukanda Wa Zambi 1970

⁴⁰ Yesu yambila Kafariseu yoze ngwenyi: “Simone, liji nguli nalio lia kukulweza.” Simone ngwenyi: “Longeshi, ambenu.”

Luka 7:40 Iomraidhean Croise

1 Yitanga Ya Mianangana 2:14

Yawezaho ngwenyi, Chuma nguli nacho kuhanjika ni yenu. Yakumbulula ngwenyi, Hanjika.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Malaki 1:6

Mwana kakulemesa tato; ni kavumbi kakuvwila woma mwata wenyi. Nyi nguli tatenu ulemu wami ulihiwo? Nyi nguli mwata woma nwakunguvwila ulihiwo? Chocho kanambe Yehova-wa-Tujita kuli yenu asasendote nwakulelesa jina liami. Enu nunambe ngwenu, Kuchi twalelesa jina lie?

Mateu 26:49

Haze hene wejile kuli Yesu, ngwenyi, Vulie, Longeshi! mba wamumbejele chikolo.

Mateu 7:22

Anji kumakamba kuli yami ha tangwa lize ngwo, Mwene, Mwene, kutwaprofetezele ni jina lie, nyi? Ni jina lie kutwatuhwishile andemoniu, nyi? Ni jina lie kutwalingile yipupu yinji, nyi?

Luka 18:18

Mba umwe mukwa kuyula wamuhulile ngwenyi, Longeshi mupema, kuchi mungulinga, hanga ngukahinge mwono wa mutolo?

Luka 5:22

Alioze Yesu, nikunyingika manyonga jo, wakumbulwile ngwenyi, Kuchi te nunanyongo mu mbunge jenu?

Luka 5:31

Yesu waakumbulwile ngwenyi, Angunu keshi kufupa mbuki; alioze waze ayiza.

Luka 6:8

Alioze iye wanyingikine manyonga jo; wambile kuli mutu yoze wapwile ni kwoko lienyi lia kusosewa ngwenyi, Katuka, umane mukachi. Iye wakatukile, wamanyinemo.

Luka 7:39

Muze Ka-Fwariseu yoze wamulakenyene, achimwene, wambile mu mbunge ngwenyi, Yono nyi profeta manyingika yono pwo unamuse minwe, chize apwa, mumu iye chivulumunyi.

Luka 7:41

Ngwenyi, Umwe mukwa kuhana mikuli wapwile ni akwa mikuli aali; umwe wapwile ni kongo lia kulakaji atano a mbongo, ni mukwo makumi atano.

Yoano 13:13

Nwakunguvuluka ngwenu, Longeshi ni Mwene; nwakwamba kanawa; mumu chocho nguli.

Yoano 16:19

Achi, Yesu wanyingikine ngwe azangile kumuhula, iye wambile kuli ayo ngwenyi, Nunalihuta ha chino hakachi kenu, nyi? Ngwe hinamba ngwami, Shimbu likepe kunushi kungumona; ni cheka nawa shimbu likepe, mba munukangumona?

Yoano 16:30

Haliapwila tunanyingika yena kuunanyingika yuma yeswe, kuchatambile umwe kukuhula; ha chino tunafuliela unakutuka kuli Zambi.

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.