Luka 7:39 - MUKANDA USANDU WA ZAMBI 1975

³⁹ Muze Ka-Fwariseu yoze wamulakenyene, achimwene, wambile mu mbunge ngwenyi, Yono nyi profeta manyingika yono pwo unamuse minwe, chize apwa, mumu iye chivulumunyi.

Mukanda Wa Zambi 1970

³⁹ Muze Kafariseu, yoze walakenyene Yesu, hachimona, yalihanjikisa ngwenyi: “Yaa, nyi chamwenemwene mutu yono kali mukwa munanyi wa Zambi, kachi te manyingika pwo yono unamukwate, ni chize abwa. Kali mukwa lufuma mubi!”

Luka 7:39 Iomraidhean Croise

1 MIANANGANA 5:20

alioze Ngehaze, kavumbi ka Elisha mutu wa Zambi, yamba ngwenyi, Mwata havwila naye vumbi yono Ka-Seria Naamane se katambwile ku kwoko lienyi chize anehanga! Ni mwono wa Yehova mungumukaula fuji ngutambule chimwe chuma kuli iye.

Yishima 23:7

Mumu chize akutaka mu mbunge yenyi, chocho apwa. Mamba ngwenyi, Liako; nwako, alioze mbunge yenyi kuyishiko kuli yena.

Izaya 65:5

Kakwamba ngwo, Twama kwe! Kanda ungukundama mumu hinalihandununa ni yena. Wano kapwa ngwe mwishi mu mazulu jami, ngwe kahia kakuyila tangwa lieswe nganganga.

Mateu 20:16

Chocho akwa kusula kumakapwa atangu, ni atangu kumakapwa akwa kusula; mumu matambika anji, alioze matongola akehe.

Mateu 21:11

Mbunga ambile ngwo, Yono mwe profeta Yesu yoze wa ku Nazare, limbo lia mu Ngalileya.

Marku 7:21

Mumu muchima, mu mbunge ja atu nwakutuhuka, ni manyonga api, ni utanji, ni wiji, ni ungalwe, ni upangala,

Luka 12:17

Iye wanyongene mu mbunge yenyi ngwenyi, Kuchi mungulinga? Mumu muhela chishi nawo muze mungutulikila mihuko yami.

Luka 15:2

Mba A-Fwariseu ni akwa kusonyeka alinyenyetene ngwo, Yono kakutambula yivulumunyi, kakulia hamwe no.

Luka 16:3

Mba kaselo wambile mu mbunge yenyi ngwenyi, Kuchi mungulinga, mumu mwene wami kanachiza uselo kuli yami? Ngolo ja kulima chishi najo, ngunevu sonyi kuunjila.

Luka 18:4

Alioze ha shimbu linene katayijileko; alioze kulutwe lia chize wambile mu mbunge yenyi ngwenyi, Chipwe chishi kwivwa woma wa Zambi, ni atu chishi kwalemesa;

Luka 3:8

Imenu kashika mihuko ya kutela kulikonyeka, kanda nuputuka kwamba mu mbunge jenu ngwenu, Apalahama tuli nenyi kulwetu; mumu ngunambe kuli yenu ngwami, Ku mawe ano Zambi kanahase kusangula ana kuli Apalahama.

Luka 7:16

Eswe akwachile woma; o achichimiekene Zambi ngwo, Profeta munene hanasoloka hakachi ketu; chikwo ngwo, Zambi hanatale hali atu jenyi.

Luka 7:37

Kumanyi, pwo wa mu limbo, chivulumunyi, muze anyingikine te iye kanatwama ku mesa mu zuwo lia Ka-Fwariseu, wanehenemo kasaji ka yitumbo ya vumba lipema;

Luka 7:38

iye, nikumana kunyima ku yiliato yenyi, nikulila, waputukile kusanyisa yiliato yenyi ni masoji jenyi, wayikusumwine ni kambu ja mutwe wenyi; wambejele yiliato yenyi, wayiwayishile ni yitumbo.

Luka 7:40

Yesu wamukumbulwile, ngwenyi, Semone, chuma chimwe nguli nacho kwamba kuli yena. Iye yamba ngwenyi, Longeshi, ambenu.

Yoano 4:19

Pwo yamba kuli iye ngwenyi, Mwene, ngunamono yena uli profeta.

Yoano 7:12

Kwapwile kulinyenyeta chinji hali iye hakachi ka mbunga; amwe ambile ngwo, Iye mupema; akwo ambile ngwo, Ka, alioze kakupiangula mbunga.

Yoano 9:24

Chocho atambikile chisuho chamuchiali mutu yoze wapupuchile kunyima, ambile kuli iye ngwo, Chichimieka Zambi: tunanyingika yono mutu iye chivulumunyi.