Luka 7:38 - MUKANDA USANDU WA ZAMBI 1975

³⁸ iye, nikumana kunyima ku yiliato yenyi, nikulila, waputukile kusanyisa yiliato yenyi ni masoji jenyi, wayikusumwine ni kambu ja mutwe wenyi; wambejele yiliato yenyi, wayiwayishile ni yitumbo.

Mukanda Wa Zambi 1970

³⁸ Yamana kunyima lia Yesu ku molu jenyi, yalilalila, yasanyisa molu ja Yesu ni masoji jenyi, yaakusumuna ni kambu jenyi, yaambeja, yaawayisa maji.

Luka 7:38 Iomraidhean Croise

Ubutukilo 18:4

Ngunehe amwe meya akepe ngukasanyise yiliato yenu, nuchihwime mushi lia mutondo.

Ezra 10:1

Shimbu Ezera machilemba ni kushikisa, ni kulila, ni kufulamana kulutwe lia zuwo lia Zambi, kwakungulukile kuli iye mbunga yinene ya malunga ni mapwo ni ana a kuli A-Izalele, mumu atu alilile chikolo.

Miaso (Masamu) 38:18

Mungwambulula uhenge wami; mungupihilila ha shili yami.

Miaso (Masamu) 51:17

Yitapo ya Zambi, spiritu yize yinamakuka. Yena Zambi kushi kulelesa mbunge yize ya kulimakuna nikulikehesa.

Longeshi 9:8

Mazalo je akatome matangwa eswe; kanda uhona maji ha mutwe we.

Mwaso Ubema Wahiana 1:3

Maji je a kulikwita kali ni lupembo mupema; jina lie liapwa ngwe maji a kupukumuna, kashika ana-mapwo kakukuzanga.

Izaya 57:9

Wayile ku Moleke ni maji, Wokesele yitumbo ye ya lupembo mupema. Watumine mikeji je kusuku, watumine ndo ku Shiole.

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Jeremia 31:9

Meza nikulila, mungwakoka ni kwalembejeka. Mungwaendesa ku yitwetwe ya meya mu jila yimwe yalulama muze kechi katalinga; mumu nguli tato kuli A-Izalele. Eframe mwe mwanami mutangu.

Joele 2:12

Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Mateu 5:4

Kawaha waze akulinyenga, mumu kumakaalembejeka.

Luka 22:62

Iye watuhukile, Walilile chikolo.

Luka 6:21

Kunwawaha, yenu nwakwivwa zala haliapwila, mumu kumunukakuta. Kunwawaha, yenu nwakulilalila haliapwila, mumu kumunukaseha.

Luka 7:37

Kumanyi, pwo wa mu limbo, chivulumunyi, muze anyingikine te iye kanatwama ku mesa mu zuwo lia Ka-Fwariseu, wanehenemo kasaji ka yitumbo ya vumba lipema;

Luka 7:39

Muze Ka-Fwariseu yoze wamulakenyene, achimwene, wambile mu mbunge ngwenyi, Yono nyi profeta manyingika yono pwo unamuse minwe, chize apwa, mumu iye chivulumunyi.

Yoano 11:2

Iye Maria, yoze wawayishile Mwene ni yitumbo ya vumba lipema, wakusumwine yiliato yenyi ni kambu jenyi, ndumbwenyi Lazaru wayijile.

Tiangu (Jake) 4:9

Lungajalenu, nenganyanenu, lilenu: kuseha chenu chialumuke kunenganyana, ni uwahililo wenu ualumuke kuhonga ku meso.