Luka 7:33 - MUKANDA USANDU WA ZAMBI 1975

³³ Mumu Yoano Chipapachisa kejile nikulialia, chipwe nikunwanwa vinyu, mba nunambe ngwenu, Ndemoniu akwete.

Mukanda Wa Zambi 1970

³³ Mumu Yoano Chipapachisa haneza, kalile kwenyi mbolo ni kanwine kwenyi vinyu, hindu te nwakwamba ngwenu: ‘Mwiku wa luchisa akwete!’

Luka 7:33 Iomraidhean Croise

Mateu 10:25

Kunahu hali kambaji akapwe ngwe longeshi yenyi, ni ndungo akapwe ngwe mwata wenyi. Kachi hanavuluka mwenya zuwo ngwo, Mbelezepu, kumahiana chikolo kuvuluka akwa zuwo lienyi chocho.

Mateu 3:1

Ha matangwa aze Yoano Chipapachisa wasolokele nikwambujola mu puya ya Yundeya,

Mateu 3:4

Yoano mwene wapwile ni mazalo jenyi a wona a kamelu, ni muya wa lambu kujingilika mu zalilo yenyi; kulia chenyi chapwile makumbi ni wuchi wa mu musenge.

Marku 1:6

Yoano wazalile mazalo a wona wa kamelu, ni muya wa lambu kujingilika mu zalilo yenyi, walile makumbi ni wuchi wa mu musenge.

Luka 1:15

Mumu kumakapwa munene kumeso ja Mwene, kechi kanwa vinyu, chipwe kunwa chimwe chisasu, ka; iye makazala tò ni Spiritu Musandu, chize ku jimo lia naye.

Luka 7:32

O kanapu ngwe ana anatwama mu yitanda nikulitambika umwé kuli mukwo ngwo, Twembanga ndembo kuli yenu, kunwahanganyine; twalinyenganga kuli yenu kunwalilile.

Luka 7:34

Mwe Mwana Mutu haneza nikulia, nikunwa, mba nunambe ngwenu, Talenu, chipulutu ni chizengewi, kasendo ka akwa kufwetesa lijimu ni yivulumunyi.

Yoano 10:20

Anji a kuli ayo ambile ngwo, Ndemoniu akwete, kanazaluka; kuchi te nunamwivu?

Yoano 8:48

A-Yunda amukumbulwile ngwo, Kutwambile kanawa ngwetu, Yena uli Ka-Samaria ni ndemoniu ukwete, nyi?

Yoano 8:52

A-Yunda kashika ambile kuli iye ngwo, Haliapwila tunanyingika ndemoniu ukwete. Apalahama wafwile, ni aprofeta nawa; ni yena unambe ngwe, Kachi umwe matunga liji liami, kachi kechi kumona kufwa nichimwe ndo ku miaka ya mutolo.

Yilinga 2:13

Akwo nikuchimbunguna ambile ngwo, Kanazala tò ni vinyu yiyema.