Luka 7:28 - MUKANDA USANDU WA ZAMBI 1975

²⁸ Ngwami, Hakachi ka waze akusemuka kuli mapwo, profeta wahiana Yoano Chipapachisa wakuhi niumwe. Alioze yoze mukepe Wahiana eswe mu wanangana wa Zambi kanapu munene Wahiana iye.

Mukanda Wa Zambi 1970

²⁸ Ngunambe ngwami, mukachi ka waze akusemuka kuli mapwo wakuhi niumwe munene Wahiana Yoano. Alioze mukehe Wahiana mu Wanangana wa Zambi, kanamuhiana.”

Luka 7:28 Iomraidhean Croise

Mateu 11:11

Pundu ngunambe kuli yenu ngwami, Hakachi ka waze akusemuka kuli mapwo, kakatukile umwe munene Wahiana Yoano Chipapachisa: alioze yoze mukepe Wahiana eswe mu wanangana wa malilu kanapu munene kuhiana iye.

Mateu 3:1

Ha matangwa aze Yoano Chipapachisa wasolokele nikwambujola mu puya ya Yundeya,

Luka 3:16

Yoano waakumbulwile eswe, ngwenyi, Yami chamwenemwene, nakunupapachisa mu meya; alioze kumeza yoze wakangana kuhiana yami, yoze lusapo wa ku haku jenyi chatelele kumujitula; iye kumakanupapachisa muli Spiritu Musandu ni mu kahia.

Luka 7:27

Yono hali iye chinasonewa ngwo, Mungukatuma kanganda kami kulutwe lia meso je, Mwenawo kumakalulika jila ye kulutwe lie.

Luka 7:29

Ata eswe ni akwa kufwetesa lijimu muze evwile, asambishile Zambi, se aapapachishile ni upapachiso wa Yoano.

Luka 9:48

Wambile kuli ayo ngwenyi, Mweswawo matambula yono mwana mukepe mu jina liami, mangutambula yami: ni mweswawo mangutambula yami, matambula yoze wangutumine: mumu yoze mukepe Wahiana eswe hakachi kenu, mwenawo munene.