Luka 7:27 - MUKANDA USANDU WA ZAMBI 1975

²⁷ Yono hali iye chinasonewa ngwo, Mungukatuma kanganda kami kulutwe lia meso je, Mwenawo kumakalulika jila ye kulutwe lie.

Mukanda Wa Zambi 1970

²⁷ Mumu hakutwala kuli Yoano, Zambi, mu Mukanda wenyi, kanambe ngwenyi: ‘Talenu, ngunatumu kanganda kami kulutwe lie akakululikile jila.’

Luka 7:27 Iomraidhean Croise

Izaya 40:3

Liji limwe linatambika ngwo, Lulikenu jila ya Yehova mu puya, lulamisenu tapalo lia Zambi yetu ha kango.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Mateu 11:10

Mumu yono, chinasonewa ha kutwala kuli iye ngwo, Mungutuma kanganda kami kulutwe lia meso je, mwenawo kumakalulika jila ye kulutwe lie.

Marku 1:2

Chizechene ngwe chinasonewa mu mulanda wa profeta Izaia ngwo, Mungutuma kanganda kami kulutwe lia meso je, Iye kumakalulika jila ye kulutwe lie;

Luka 1:76

Ewa, ni yena mwana, kumakakuvuluka ngwo, Profeta wa mwe Chitunda: mumu kumukaya kulutwe lia meso ja Mwene mukululika majila jenyi;

Luka 7:26

Alioze ika nwayilile mukutala? Profeta, nyi? Ewa, ngwami, Umwe Wahiana chikolo profeta.

Luka 7:28

Ngwami, Hakachi ka waze akusemuka kuli mapwo, profeta wahiana Yoano Chipapachisa wakuhi niumwe. Alioze yoze mukepe Wahiana eswe mu wanangana wa Zambi kanapu munene Wahiana iye.

Yoano 1:23

Wambile ngwenyi, Yami nguli liji lia yoze unakololoka mu puya ngwo, Lulamisenu jila ya Mwene, ngwe ambile profeta Izaia.