Luka 7:25 - MUKANDA USANDU WA ZAMBI 1975

²⁵ Alioze ika nwayilile mukutala? Mutu unazala mahina a lefuna, nyi? Waze akuzala mahina ja uhenya, kali ni upite wunji nikuwaha, mapwa mu mazuwo ja mianangana.

Mukanda Wa Zambi 1970

²⁵ Mba yika nwayile ni kutala? Umwe mutu te unazala mahina a lefuna, nyi? Ka, waze akuzala mahina a uhenya kaakubwa ni ubite unji, kaakutwama mu mazuwo ja mianangana!

Luka 7:25 Iomraidhean Croise

2 Samuel 19:35

Nguli ni makumi nake a miaka. Te ngunahase kusa chinyingi hakachi ka yipema ni yipi? Yami kavumbi kenu te ngunahase kwivwa kanawa chize ngunali hanji chize ngunanu? Te ngunahase kwivwa liji lia njimba a malunga hanji a mapwo? Mba yami kavumbi kenu kuchi te mungupwa chiteli kuli mwene wami mwanangana?

1 Yitanga Ya Mianangana 10:5

ni kulia cha ha mesa yenyi, ni kutwama cha ngamba jenyi, ni kuvumbika cha tuvumbi twenyi, ni mazalo jo, ni akwa kumumbachila musenge, ni chize akandukile ku zuwo lia Yehova, yewva ni mu moko kéké lume.

1 MIANANGANA 1:8

Yamukumbulula ngwo, Mukwa wonawona. Kanalijichika muya wa lambu mu zalilo. Aye ngwenyi, Mwe Eliya Ka-Tishibe.

Estere 1:11

anehe mwazovu Vashti kumeso ja mwanangana ni chipangula cha wanangana akalweze kuli atu ni e alemu upeme wenyi, mumu wapwile mupema chikolo ku meso.

Estere 1:3

ha mwaka wamuchitatu wa kuyula chenyi yalinga chiteleka hali alemu jenyi eswe ni tuvumbi twenyi. Akwa ndundo eswe a Persia ni Media, ni akwa lutwe ni alemu a yifuchi yatwama kumeso jenyi;

Estere 4:2

Yeza ndo kulutwe lia chikolo cha mwanangana mumu niumwe mahasa kunjila mu chikolo cha mwanangana ni chikeleyi.

Estere 5:1

Ha tangwa liamuchitatu Estere yazala mazalo jenyi a wanangana; yamana mu yize ya muchima ya zuwo lia mwanangana hatalanganyi ni zuwo lia mwanangana. Mwanangana aye te kanatwama ha ngunja yenyi ya wanangana mu zuwo lia wanangana hatalanganyi ni chikolo cha zuwo.

Estere 8:15

Mordekai aye yakatuka kumeso ja mwanangana ni mazalo a wanangana alauluka ni atoma ni chipangula chinene cha oru, ni hina lia ngungu lia linyu lipema ni lia ufungo. Ni akwa chihunda cha Shushane yalikwiza ni chiseke.

Izaya 59:17

Yazala ululi ngwe chipwiko, ni ngalau ya ulamwino ha mutwe wenyi. Yazala mazalo a kukala milonga akaazale. Yalifuka ni ufwatulo ukapwe uzalo wa ngungu kuli iye.

Mateu 11:8

Alioze yika nwayilile mukutala? Mutu unazala mahina a lefuna, nyi? Waze akuzala mahina a lefuna mapwa mu mazuwo ja mianangana.

Mateu 3:4

Yoano mwene wapwile ni mazalo jenyi a wona a kamelu, ni muya wa lambu kujingilika mu zalilo yenyi; kulia chenyi chapwile makumbi ni wuchi wa mu musenge.

Mateu 6:29

hindu ngunambe kuli yenu ngwami, Chipwe Solomone mu uhenya wenyi weswe kazalile ngwe chimwe cha ku yitemo yino.

Luka 16:19

Achi, kwapwile umwe pichi, iye wazalile mahina ja ufungo ni linyu lipema, nikutwama ni usehejelo ni uhenya tangwa ha tangwa.

Luka 7:24

Muze te tunganda twa Yoano hakatuka, waputukile kwamba ku mbunga ha kutwala kuli Yoano ngwenyi, Ika nwayilile ku puya mukutala? Lumbungu unanyiki ni fuji, nyi?

Luka 7:26

Alioze ika nwayilile mukutala? Profeta, nyi? Ewa, ngwami, Umwe Wahiana chikolo profeta.