Luka 7:21 - MUKANDA USANDU WA ZAMBI 1975

²¹ Ha ola yize yene wawukile anji ku misongo, ni yilungo, ni maspiritu a ungulungulu; walawishile meso ja tupuputa anji.

Mukanda Wa Zambi 1970

²¹ Ha shimbu lizeliene Yesu te kanawuku atu anji ku misongo yo, ni ku weji wo, ni kuli mwiku wa luchisa. Yalawisa meso ja tupuputa anji.

Luka 7:21 Iomraidhean Croise

1 Yitanga Ya Mianangana 8:37

Nyi kachi kumukukapwa mu chifuchi hanji kapunga, hanji chilungo, hanji yimbwongo, hanji makonya, hanji makumbi, hanji yambi, nyi kachi akwa kole jo maaseleka mu chifuchi cha yihunda yo, musongo weswawo, kuyiza cheswacho muchiakwata,

Alevi 14:48

Alioze nyi sasendote maya nikutala zuwo, kumanyi musongo kuwatanjile mu zuwo muze te halishingula, mba sasendote mavuluka zuwo ngwenyi, Linapeme, mumu musongo hiwaya.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Mateu 4:24

Lufuma wenyi wafumanyine mu Seria mweswe; anehene kuli iye waze eswe ayijile, a kukwachika ni misongo yeka ni yeka ni yipupilo, ni akwa ndemoniu, ni akwa musongo wa ngulu, ni akwa kalepa, waawukile.

Marku 3:10

Mumu te hawuka anji, chocho waze eswe apwile ni yilungo amuuzukilile, hanga amuse minwe.

Marku 5:29

Ni haze hene kuhita cha manyinga chapatukile; iye wanyingikine mu mujimba wenyi ngwenyi, Hinahinduka ku upupilo wami.

Marku 5:34

Iye wambile kuli pwo ngwenyi, Mwanami, Ufulielo we hiwakupwisa mungunu, uye kanawa ukahinduke ku upupilo we.

Luka 7:20

Muze malunga ahetele kuli iye, ambile ngwo, Yoano Chipapachisa hatutuma kuli yena, ngwenyi, Shina yena uli yoze meza, nyi? Shina mutatalatala mukwo?

Hebreu 12:6

Mumu yoze Mwene mamuzanga mamulamba ha kufumba, malamba ni shikote ana eswe maatambula.