Luka 7:16 - MUKANDA USANDU WA ZAMBI 1975

¹⁶ Eswe akwachile woma; o achichimiekene Zambi ngwo, Profeta munene hanasoloka hakachi ketu; chikwo ngwo, Zambi hanatale hali atu jenyi.

Mukanda Wa Zambi 1970

¹⁶ Atu eswe yeevwa woma, yaachichimieka Zambi ngwo: “Mukwa munanyi munene wa Zambi hasoloka mukachi ketu,” nawa ngwo: “Zambi haneza ni kulamwina atu jenyi!”

Luka 7:16 Iomraidhean Croise

Miaso (Masamu) 65:9

Wakunangisa hashi nikuhinjilaho meya; wakuwahisaho chikolo. Lwiji wa Zambi kazala ni meya; wakwaaha tiliku muze hiwalulika hashi chocho.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Mateu 15:31

chocho mbunga akomokene muze amwene tumama kanahanjika, yitonji angunu, yilema kanende, tupuputa kanalaula ku meso: no achichimiekene Zambi ya Izalele.

Mateu 21:11

Mbunga ambile ngwo, Yono mwe profeta Yesu yoze wa ku Nazare, limbo lia mu Ngalileya.

Mateu 28:8

O akatukile nikawashi ku fuka, ni woma ni uwahililo unene, azombokele mukwambulwila tumbaji twenyi.

Mateu 9:8

Muze mbunga achimwene, alishikishilile, achichimiekene Zambi yoze wahanyine chiyulo chipwa haha kuli atu.

Luka 1:65

Woma wapwile hali waze eswe atwamine ha kwajingilika; alihanjikishile yino yuma mu chifuchi cheswe cha milundu ya Yundeya.

Luka 1:68

Mwene Zambi ya Izalele afumane; mumu hanatale hali atu jenyi, hanaalingila ukule.

Luka 19:44

Kumakakupuzula hashi, ni ana je muli yena, kechi kahichika muli yena liwe limuwika ha liwe likwo; mumu te kwanyingikine mwaka we upema.

Luka 2:20

Mba tufunga ahilukile, nikuchichimieka nikuhalisa Zambi ha yuma yize yeswe hanevu, ni yize hanamono, chizechene ngwe chize achihanjikile kuli ayo.

Luka 24:19

Iye wambile ngwenyi, Yuma yika? O ambile kuli iye ngwo, Yuma yize ya kutwala kuli Yesu Ka-Nazare, mwenawo wapwile profeta mukwa tachi ni chitanga ni liji kumeso ja Zambi ni atu eswe.

Luka 5:26

Eswe alishikishilile, o achichimiekene Zambi; nikuzala tò ni woma, ngwo, Hitunamono yuma ya yipupu musono uno.

Luka 5:8

Alioze Semone Petulu muze achimwene, wafulamanyine ku makungunwa ja Yesu, ngwenyi, Mwene, katukenu kuli yami, mumu nguli chivulumunyi.

Luka 7:15

Mufu wahindukile, waputukile kuhanjika, mba Wamuhanyine kuli naye.

Luka 7:39

Muze Ka-Fwariseu yoze wamulakenyene, achimwene, wambile mu mbunge ngwenyi, Yono nyi profeta manyingika yono pwo unamuse minwe, chize apwa, mumu iye chivulumunyi.

Luka 8:37

Ni chizavu cheswe cha ku chifuchi cha A-Ngarase amulembele akatuke kuli ayo: mumu evwile woma wunji; iye wanjilile mu ulungu akahiluke.

Luka 9:19

O amukumbulwile ngwo, Yoano Chipapachisa; ahoze akwo ngwo, Eliya; ni akwo ngwo, Umwe wa kuli aprofeta a shakulu hanahinduka.

Yoano 1:21

O amuhulile ngwo, Mba kuchi, yena uli Eliya, nyi? Iye yamba ngwenyi, Hi yami ko. Ngwo, Yena uli mwe profeta, nyi? Iye wakumbulwile ngwenyi, Ka.

Yoano 1:25

Amuhulile, ngwo, Mba kuchi te wakupapachisa atu, kachi yena hi uli mwe Kristu ko, chipwe Eliya, chipwe mwe profeta?

Yoano 4:19

Pwo yamba kuli iye ngwenyi, Mwene, ngunamono yena uli profeta.

Yoano 6:14

Kashika muze atu amwene chilayi chize alingile Yesu, ambile ngwo, Yono chamwenemwene mwe profeta yoze meza hano hashi.

Yoano 9:17

Yamba kuli kapuputa cheka nawa ngwo, Kuchi yena unambe hali iye, ngwe walawisanga meso je? Wambile ngwenyi, Iye profeta.

Yilinga 5:5

Ananiya ha kwivwa maliji ano, walimbukile hashi, wafwile; ni woma wunji wejile hali waze eswe achivwile.

Yilinga 7:37

Mose yoze wambile kuli ana a Izalele ngwenyi, Zambi kumakasolola profeta kuli yenu wa kuli usoko wenu, wa kulifwa ni yami; iye nukamwivwe.

Galashia 1:24

O achichimiekene Zambi muli yami.

Shimbi 18:15

Yehova Zambi yenu kumakanusolwela profeta umwe hakachi kenu wa kuli usoko wenu, malifwa ni yami. Munukamupanjika iye;