Luka 6:9 - MUKANDA USANDU WA ZAMBI 1975

⁹ Yesu wambile kuli ayo ngwenyi, Mungunuhula ngwami, Muchilita ni shimbi ha tangwa lia Sambata shina kulinga yipema nyi, shina kulinga yipi? Shina kulamwina mwono nyi, shina kwonwona?

Mukanda Wa Zambi 1970

⁹ Mba Yesu yaahula ngwenyi: “Ngunanuhula ngwami: Shimbi jetu kuchi jinatayiza kulinga ha tangwa ha kuhwima? Kulinga yibema hanji kulinga yibi? Kulamwina mutu hanji kumwonona?”

Luka 6:9 Iomraidhean Croise

Marku 3:4

Mba yamba kuli ayo ngwenyi, Muchilita ni shimbi kulinga yipema ha tangwa lia Sambata nyi, shina kulinga yipi? Shina kulamwina mwono, nyi shina kushiha? Alioze aholele kulungunga kwo.

Luka 14:3

Yesu wambile kuli akwa shimbi ni A-Fwariseu ngwenyi, Muchilita ni shimbi kuwuka ha tangwa lia Sambata, nyi?

Luka 6:10

Iye wakengesele hali ayo eswe, wambile kuli iye ngwenyi, Olola kwoko lie. Iye waliolwele, ni kwoko lienyi liahindukile lingunu ngwe likwo.

Luka 6:8

Alioze iye wanyingikine manyonga jo; wambile kuli mutu yoze wapwile ni kwoko lienyi lia kusosewa ngwenyi, Katuka, umane mukachi. Iye wakatukile, wamanyinemo.

Luka 9:56

mumu mwe Mwana Mutu kejile mukwonwona mwono wa atu alioze mukuulamwina. O ayile ku chihunda chikwo.