Luka 6:3 - MUKANDA USANDU WA ZAMBI 1975

³ Yesu waakumbulwile ngwenyi, Kunwatangile chipwe chize alingile David, muze evwile zala, iye ni waze apwile hamwe nenyi, nyi?

Mukanda Wa Zambi 1970

³ Yesu ngwenyi: “Kunwatangile chize alingile mwanangana David iye mwene ni atu jenyi muze evwile zala, nyi?

Luka 6:3 Iomraidhean Croise

Mateu 19:4

Waakumbulwile ngwenyi, Kunwatungile nyi, ngwe yoze waatangile chize ku uputukilo waatangile lunga ni pwo,

Mateu 21:16

Ambile kuli iye ngwo, Unevu chize anambe wano, nyi? Yesu ngwenyi, Ewa, kunwatangile nilimwe tangwa ngwo, Mu makanwa ja ana-akemba ni akwa kwamwa hiwasa uhaliso ungunu.

Mateu 21:42

Yesu ngwenyi, Kunwatangile nilimwe tangwa mu yisoneko, nyi? Ngwo, Liwe lize alitunyine tungi, Lienalio kuliapwa liwe lia helu lia mbango; Chino cha kuli Mwene, Necho chikomokeso kumeso jetu.

Mateu 22:31

Alioze ha kutwala ku uhindukilo wa afu, kunwatangile chize Zambi ahanjikile kuli yenu, nyi?

Mateu 4:2

Walitwaminyine kulia makumi awana a matangwa ni makumi awana a ufuku, ni kulutwe lia chize wevwile zala.

Marku 12:10

Kunwatangile chipwe chisoneko chino ngwo, Liwe lize alitunyine tangi, Kuliapwa liwe lia helu lia mbango;

Marku 12:26

Alioze ha kutwala kuli afu ha uhindukilo wo, kunwatangile mu mukanda wa Mose, nyi? Mu chihanda cha kutwala ku chiputa, ngwe chize Zambi ahanjikile kuli iye ngwenyi, Yami nguli Zambi ya Apalahama, ni Zambi ya Izake, ni Zambi ya Yakomba?