Luka 6:29 - MUKANDA USANDU WA ZAMBI 1975

²⁹ Kuli yoze makulamba ha tafu, mwehe tafu likwo nawa, kuli yoze mafupa kuchiza mbinja ye, kanda ukamukanjisa kuchiza chikuto che nawa.

Mukanda Wa Zambi 1970

²⁹ Nyi umwe makulamba ha tafu, mutewulwile nawa likwo. Nyi umwe makwanda mbinja ye (kazaku ke) mwechele nawa chikuto che.

Luka 6:29 Iomraidhean Croise

2 Samuel 19:30

Mefiposhete yamba kuli mwanangana ngwenyi, Achizuke cheswe iye; se mwene wami mwanangana haneza ni sambukila ku zuwo lienyi.

2 Sango Ja Mianangana 18:23

Henaho Zedekia mwana Chenana yakundama, yalamba Mikaia mbangala ha tafu ngwenyi, Mba Spiritu ya Yehova kuchi atuhuka kuli yami akahanjike kuli yena?

Izaya 50:6

Nahanyine nyima yami kuli akwa kulamba, nahanyine matafu jami kuli akwa kusuta wevu. Chaswekele meso jami ku sonyi ni mate.

Lungungu 3:30

akahane tafu lienyi kuli mukwa kulamba. Akamuchoke liakulu.

Mika 5:1

Ena mwana-pwo wa yihuji, likungulule mu yihuji mumu hanatuseleka. Mukwa kuyula Izalele makamulamba ha tafu ni mbwechi.

Mateu 26:67

Hohene yafwila mate ku meso jenyi, yamumbufula, mba amwe amulambile mbangala.

Luka 22:64

O amufukile meso, amuhulile ngwo, Profeteza kuli yetu, iya wakulamba?

Luka 6:30

Hana kuli mweswe makwita, kuli yoze machiza yikumba ye, kanda ukayita nawa.

Yoano 18:22

Muze te hamba chino, umwe wa kuli tupita kanamanako walambile Yesu mbangala ngwenyi, Chocho unakumbulula kuli sasendote mukwa lutwe, nyi?

Yilinga 23:2

Alioze sasendote mukwa lutwe Ananiya wambile waze amanyine hehi nenyi amulambe ku kanwa.

1 Korintu 4:11

Chipwe ndo ku ola yino, twakwivwa zala ni pwila, tuli ni uvu, kakutumbufula, tunendangana, kutushi zuwo;

1 Korintu 6:7

Ka, hichinapu kapalia muli yenu, nwakulisopesa umwe ni mukwo ni mukwo. Kuchi te ngwe Shinaho kunushi kuliecha akanulinge chipi? Kuchi te ngwe Shinaho kunushi kuliecha akanulake?

2 Korintu 11:20

Mumu munutayiza mutu kachi manutwala ku undungo, kachi manuumbula, kachi manwonga, kachi malinangamisa kachi manulamba ku meso.

Hebreu 10:34

Mumu nwevwile keke hali funge, nwatambwile ni uwahililo kupunda cha yikumba yenu, te nunanyingika nuli nayo yikumba yahiana ya kulinduluka.