Luka 6:25 - MUKANDA USANDU WA ZAMBI 1975

²⁵ Lamba lienu, yenu nwakukuta haliapwila, mumu kumunukevwa zala! Lamba lienu, yenu nwakuseha haliapwila! mumu kumunukanenganyana nikulila!

Mukanda Wa Zambi 1970

²⁵ “Lamba lienu yenu nwakukula haliabwila, mumu munukevwa zala! “Lamba lienu yenu nwakuseha haliabwila, mumu munukanenganyana, munukalila!

Luka 6:25 Iomraidhean Croise

Miaso (Masamu) 49:19

Hindu maya ku chisemuko cha akako; kechi kamona pangu, nilimwe tangwa.

Yishima 14:13

Mbunge chinyengo yikwete chipwe ha kuseha; songo lia chiseke kulemewa.

Yishima 30:9

kuchina hanji mungukuta mba mungulikala yena ngwami, Yehova iya? Hanji kuchina ngupwe chiswale mba ngukeye ni kujilula jina lia Zambi yami.

Longeshi 2:2

Ha kutwala ku kuseha nambile ngwami, Chinazaluka. Ha kutwala ku chiseke ngwami, Chaka?

Longeshi 7:3

Chinyengo chapema kuhiana kuseha, mumu chinyengo cha meso kuchakuwahisa mbunge.

Longeshi 7:6

Mumu kuseha cha yihepuke chapwa ngwe kulengenya cha mikalale kushi lia ndeho. Chino nawa chapwa chamokomoko.

Izaya 28:7

Wano nawa kakuzeketa mumu ha vinyu, kakupiepieta mumu ha kunwa chisasu; ni asasendote ni aprofeta kakuzeketa ni kunwa chisasu, kakutatajala mumu ha vinyu, kakupiepieta ni kunwa chisasu. Kamwene kanawa yuma ya kulutwe; kanatalinga ha kupatula.

Izaya 65:13

Kashika Mwene Yehova kanambe ngwenyi, Tuvumbi twami makalia, alioze yenu munupwa ni zala. Tuvumbi twami makanwa, alioze yenu munupwa ni pwila. Tuvumbi twami makawahilila, alioze yepu munwivwa sonyi.

Izaya 8:21

Kumakapalika mu chifuchi ni kupinda chinji, ni zala; mba muze mevwa zala, kumakatenuka ni kutuka mwanangana wo ni Zambi yo ni kutala kwilu.

Izaya 9:20

Kakuchanga ku chindume, hindu achili ni zala; kakuwumbula ku chimeso, alioze kakuchile; mutu mweswe kakulia musunya wa mwenyembo wenyi.

Amose 8:10

Mungukalumuna yiwanyino yenu mu kulishimwoka, ni miaso yenu mu kulila lungungu. Mungukajika mijimba yeswe ni yikeleyi, mungukasa lwole ha mitwe yeswe. Munguchipwisa ngwe kulila hali mwana wa lunga wa wika. Songo liacho mulipwa ngwe tangwa lisasu.

Nahume 1:10

Kakwalalisa ngwe mikalale ya kuliselieka. Shimbu machizengewa makaalalisa ngwe mwambu umu.

Luka 12:20

Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

Luka 13:28

Kumukukapwa malilo ni kulikopola ku mazo, muze munumona Apalahama ni Izake ni Yakomba ni aprofeta eswe mu wanangana wa Zambi, ni yenwene manumbila haze.

Luka 6:24

Alioze lamba lienu, yenu pichi! mumu hinunatambula kulembejeka chenu.

Luka 6:26

Lamba lienu, muze atu eswe manuchichimieka! mumu chizechene akako alingile kuli aprofeta a kwonga.

Luka 8:53

O amusehele, nikunyingika ngwo, Hafwa kulu.

Efesu 5:4

chipwe pande ja sonyi, chipwe miselo ya uhepuke, hanji lwelia yoze katelele, alioze Shinaho nupwe nikusakwila.

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.

Tiangu (Jake) 4:9

Lungajalenu, nenganyanenu, lilenu: kuseha chenu chialumuke kunenganyana, ni uwahililo wenu ualumuke kuhonga ku meso.

Usolwelo 3:17

Mumu yena wakwamba ngwe, Nguli pichi, hingunapichi upite, chishi kuhona nichimwe; kwanyingikine yena uli mwe mukwa kulungajala, ni mukwa hunya, ni chiswale, ni kapuputa, ni uselesele uli nawo.

1 Samuel 2:5

Waze akuchile halilinga ngamba a kulingila kulia, alioze waze evwile zala kayivwile nawa. Ewa mumba hasema shimbiali, alioze mukwa ana anji hahonga.