Luka 6:23 - MUKANDA USANDU WA ZAMBI 1975

²³ Wahililenu ha tangwa lize, tumbwokenu ni uwahililo; mumu kwononona chenu chinene mwilu, mumu chizechene akako alingile kuli aprofeta.

Mukanda Wa Zambi 1970

²³ Wahililenu muze yize yeswe muyikanuwana. Tumbwokenu ni uwahililo, mumu chawana chinene chinanutwaminyina mwilu. Mumu Chenacho tushakulu two ahungumionene akwa munanyi a Zambi.

Luka 6:23 Iomraidhean Croise

2 Samuel 6:16

Ha kuheta mushete wa Yehova kwimbo lia David Mikale mwana Saulu yatalila ku njanela, yamona mwanangana David kanatumbwoka ni kuhangana kumeso ja Yehova, kashika yamulelesa mu mbunge yenyi.

1 Yitanga Ya Mianangana 18:4

Muze Jezebele washihile aprofeta ja Yehova Obadia watambwile kulakaji lia aprofeta, waaswekele makumi atano mu chivwenge chimwe, makumi atano mu chivwenge chikwo, waahele kulia ni meya.)

1 Yitanga Ya Mianangana 19:10

Aye ngwenyi, Nguli ni mbunge ya kuzanga wika Yehova Zambi-ya-Tujita. Alioze A-Izalele hehuka usendo we, hanunguna yilumbilo ye, hashiha aprofeta je ni katana. Yami wika ukawami nasala. Mba kanafupu kungutambula mwono wami.

1 Yitanga Ya Mianangana 19:14

Aye yamba ngwenyi, Nguli ni mbunge ya kuzanga wika Yehova Zambi-ya-Tujita, mumu A-Izalele hehuka usendo we, hanunguna yilumbilo ye, hashiha aprofeta je ni katana. Yami wika ukawami nasala mba kanafupu kungutambula mwono wami.

1 Yitanga Ya Mianangana 19:2

Henaho Jezebele yatuma mukeji kuli Eliya ngwenyi, Nyi chapwishile mwono we ngwe mwono wo ha ola yino hamene, mazambi achilinge kuli yami, akawezeko nawa.

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

1 Yitanga Ya Mianangana 22:27

ngwenu, Mwanangana kanambe ngwenyi, Yikila yono mu zuwo lia ususu nukamulise kulia cha luyinda ni meya a luyinda ndo mungwiza nawa ni sambukila.

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

1 MIANANGANA 6:31

Henaho mwanangana yamba ngwenyi, Nyi mutwe wa Elisha mwana Sefate mapwa nawo musono, Zambi achilinge kuli yami nikuwezaho nawa.

2 Sango Ja Mianangana 36:16

Alioze alenyene tunganda twa Zambi; yalelesa maliji jenyi; ni kuchimbunguna aprofeta jenyi ndo ufwatulo wa Yehova wavundukile kulimika ni atu jenyi, mumu chize malinga kwakwasa chakuhi nawa.

Nehemia 9:26

Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Miaso (Masamu) 58:11

Chocho atu mamba ngwo, Chamwenemwene kwononona cha mukwa ululi kuchili; chamwenemwene kwali Zambi mukwa kupatula hano hashi.

Izaya 35:6

Henaho chilema masamba ngwe kapaji, ni limi lia kamama mulikemba mumu ha uwahililo. Mumu meya mapukukila mu puya, ni yitwetwe mu kango.

Jeremia 2:30

Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Mateu 5:12

Wahililenu, likwizenu, mumu kwononona chenu chinene mu malilu: mumu chocho ahungumionene aprofeta waze aliangilile.

Luka 1:41

Muze Izabele evwile kumeneka cha Maria, mwana-kemba watumbukile mu jimo lienyi; ni Izabele wazalile tò ni Spiritu Musandu;

Luka 1:44

Mumu, muze liji lia kumeneka che hilianjila mu matwi jami, mwana-kemba katumbuka ni kulikwiza mu jimo liami.

Luka 6:35

Alioze zangenu akwa kole jenu, lingenu yipema kuli ayo, hanenu mukuli, kanda nutalatala chize mahilwisa; ni kwononona chenu kumuchikapwa chinene; kumunukapwa ana ja mwe Chitunda: mumu iye mukwa utu kuli akwa kaleleso ni yingulungulu.

Yilinga 14:10

Wambile ni liji linene ngwenyi, Katukako, umane kachichi ha molu je: iye wanyangumukine, wendele.

Yilinga 3:8

Iye, nikunyangumuka wakatukile, waputukile kwenda, wanjilile hamwe no mu tembele, nikwenda, nikutumbuka, nikuhalisa Zambi.

Yilinga 5:41

O kashika akatukile kumeso ja akwa kuyula, nikuwahilila se Zambi aanyongene akwa kutela kusauka ha lie Jina.

A-ROMA 5:3

Hi chize wika ko, alioze twakulisamba mu luyinda wetu nawa, se tunanyingika luyinda kakulinga kunyongonona;

2 Korintu 12:10

Kashika nakuwaha ni ulelu, ni sau, ni huli, ni yihungumiona, ni kupinda, mumu hali Kristu: mumu muze mungulela, hohene mungupwa ni tachi.

Kolosu 1:24

Haliapwila nakuwahilila ha lamba liami hali yenu, nakuzalisa chize chinahono ku luyinda wa Kristu mu musunya wami, mumu ha mujimba wenyi, wenawo che chikungulwila.

2 Timoteu 2:12

Kachi mutunyongonona mu lamba kachi mutukayula hamwe nenyi nawa: kachi mutulikala iye, kachi iye nawa makalikala yetu.

Hebreu 11:26

Se kananyongo ngwenyi, Luchoko yoze achokele nenyi Kristu, hapwa upite kuhiana yikumba ya Engitu: mumu wahulikilile meso ku kwononona.

Hebreu 11:6

Alioze mutu keshi kuhasa kupemena kuli Zambi shina ni Ufulielo; mumu yoze meza kuli Zambi chamutamba kufuliela ngwo, Iye hwali, iye mukwa kwononona waze akumufupa.

Tiangu (Jake) 1:2

Mandumbu jami, muze yeseko yeka ni yeka muyinuwana, chinyongenu kupwa uwahililo weswe;

1 Petulu 4:13

Alioze se nuli akwa kuhangana ni lamba lia Kristu, wahililenu; hanga ha usolwelo wa uhenya wenyi nawa nukawahilile nikulikwiza.

Usolwelo 2:17

Yoze uli ni matwi, evwe chize anambe Spiritu ku yikungulwila. Yoze makumba, mungukamwaha yimwe ya ku maná ya kuhengama: mungukamwaha lukumbo mutoma, ni ha lukumbo jina liaha linasonewa, lize niumwe manyingika shina yoze malitambula.

Usolwelo 2:26

Yoze makumba, ni yoze mafunga yitanga yami ndo ku songo, mungukamwaha chiyulo hali mavungu.

Usolwelo 2:7

Yoze uli ni matwi, evwe chize anambe Spiritu ku yikungulwila. Kuli yoze makumba, mungukamwaha mukulia ku mutondo wa mwono uze uli mu Paraisu ya Zambi.

Usolwelo 21:7

Yoze makumba makahinga yino yuma; ni yami mungukapwa Zambi yenyi, iye makapwa mwanami.

Usolwelo 3:12

Yoze makumba, mungumupwisa nguji mu tembele ya Zambi yami, iye kechi katuhukamo nawa nichimwe: mungusoneka hali iye jina lia Zambi yami, ni jina lia limbo lia Zambi yami, lia Yerusaleme yaha, yize muyihulumuka mwilu, ya kuli Zambi yami, ni jina lia yami mwene liaha.

Usolwelo 3:5

Yoze makumba, chocho kumamujika mazalo atoma. Chichi kajimuna nichimwe jina lienyi mu mukanda wa mwono, aiioze mungukatayiza jina lienyi kumeso ja Tata, ni kumeso ja angelo jenyi.