Luka 6:21 - MUKANDA USANDU WA ZAMBI 1975

²¹ Kunwawaha, yenu nwakwivwa zala haliapwila, mumu kumunukakuta. Kunwawaha, yenu nwakulilalila haliapwila, mumu kumunukaseha.

Mukanda Wa Zambi 1970

²¹ “Kunwawaha yenu nwakwivwa zala haliabwila, mumu munukakuta! “Kunwawaha yenu nwakulila haliabwila, mumu munukaseha!

Luka 6:21 Iomraidhean Croise

Ubutukilo 17:17

Henaho Apalahama yafulamana ha meso jenyi, yaseha, yamba mu mbunge yenyi ngwenyi, Te kumakasema mwana kuli yoze hapwa ni kulakaji lia miaka, nyi? Te Sara meza kusema, hapwa ni makumi livwa a miaka nyi?

Ubutukilo 21:6

Sara yamba ngwenyi, Mba Zambi hangwaha kuseha, ni waze eswe machivwa maseha hamwe ni yami.

Miaso (Masamu) 107:9

Mumu kakuyukisa mbunge yize yili ni usona. Mbunge yize yili ni zala kakuyikuchisa ni yuma yipema.

Miaso (Masamu) 119:136

Ku meso jami tuzololo twa meya kakusulumiokena mumu atu keshi kufunga shimbi ye. Zade

Miaso (Masamu) 143:6

Nakuzoza moko jami kuli yena. Mbunge yami yinakuvwila usona ngwe pwila mu chifuchi chumu chau.(Litulike.)

Miaso (Masamu) 17:15

Alioze ha kutwala kuli yami, mungumona meso je ni ululi. Kumungukayuka muze mungulaula mu kulifwa cha yena. Kuli Njimba mukwa lutwe. Samu lia David kavumbi ka Yehova. Iye wahanjikile kuli Yehova maliji a mwaso uno ha tangwa lize Yehova wamupulwile ku moko ja akwa kole jenyi eswe ni ku kwoko lia Saulu: ngwenyi,

Miaso (Masamu) 28:7

Yehova iye tachi jami ni lukepwe wami. Mbunge yami kuyamufuliela; kangukwasa. Kashika mbunge yami yinawahilila chikolo, mungumunalisa ni mwaso wami.

Miaso (Masamu) 65:4

Kawaha yoze wamutongola yena nikumukundamisa kuli yena, akatwame mu yize ye. Mutuyuka ni upeme wa zuwo lie; muma musandu mu tembele ye.

Izaya 25:6

Ha mulundu uno Yehova-wa-Tujita kumakalinga chiwanyino cha yuma ya maji hali mavungu eswe, te chiwanyino cha vinyu yinenguluka, ni yuma ya maji ya tò ni usongosongo, ni vinyu yinenguluka, ya kupemesa kanawa.

Izaya 30:19

Ewa, enu atu a mu Zaione, nwatwama mu Yerusaleme; kunuchi kulila nawa. Kumakapwa ni vumbi kuli yenu ha kwivwa muteto wenu. Muze mevwa manukumbulula.

Izaya 66:10

Enu nwakuzanga Yerusaleme, likwizenu nenyi nu wahilile hamuwika nenyi. Enu eswe nwakumulilila mbimbi likwizenu hamwe nenyi ni uwahililo,

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Jeremia 31:25

Mumu munguyukisa mbunge ya yikatalo; munguzalisa mbunge yeswe yinahongo.

Jeremia 31:9

Meza nikulila, mungwakoka ni kwalembejeka. Mungwaendesa ku yitwetwe ya meya mu jila yimwe yalulama muze kechi katalinga; mumu nguli tato kuli A-Izalele. Eframe mwe mwanami mutangu.

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Ezekiel 7:16

Nyi amwe akwa kwomboka mapwa ni mwono, hindu makapwa ha milundu, ngwe membe a mu yikulo, eswe nikutwa mikuma, mutu mweswe ha mukunda wa uhenge wenyi.

Ezekiel 9:4

Yehova yamba kuli iye ngwenyi, Palika mu chihunda, mwe mu Yerusaleme, ukase mufunda ha mahuma ja malunga aze akutwa mikuma ni kulishimwoka ha mukunda wa yuma ya lwaji akulingamo.

Mateu 5:4

Kawaha waze akulinyenga, mumu kumakaalembejeka.

Mateu 5:6

Kawaha waze akwivwa usona ha ululi, ngwe zala ni pwila anevu, mumu kumakakuta.

Luka 1:53

Hanakuchisa akwa zala ni yuma yipema; hanakatwisa pichi mokomoko.

Luka 6:20

Iye wahetwile meso jenyi hali tumbaji twenyi, ngwenyi, Kunwawaha, yenu, yiswale; mumu wanangana wa Zambi niwenu.

Luka 6:22

Kunwawaha, yenu, muze atu manuvwila kole, muze malihandununa ni yenu, manuchoka, mambila haze jina lienu ngwe lipi, mumu hali mwe Mwana Mutu;

Luka 6:25

Lamba lienu, yenu nwakukuta haliapwila, mumu kumunukevwa zala! Lamba lienu, yenu nwakuseha haliapwila! mumu kumunukanenganyana nikulila!

Yoano 11:35

Yesu Walilile.

Yoano 4:10

Yesu wamukumbulwile, ngwenyi, Kachi yena wanyingika chawana cha Zambi ni yoze unambe kuli yena ngwenyi, Ngwehe kama meya ngunwe; kachi wamwita ni kachi wakwaha meya a mwono.

Yoano 6:35

Yesu wambile kuli ayo ngwenyi, Mbolo ya mwono yami; yoze meza kuli yami kechi kevwa zala nichimwe, ni yoze mangufuliela yami kechi kevwa pwila nichimwe ha mwaka niumwe.

1 Korintu 4:11

Chipwe ndo ku ola yino, twakwivwa zala ni pwila, tuli ni uvu, kakutumbufula, tunendangana, kutushi zuwo;

2 Korintu 11:27

nikukilikita nikuhondangana, nikulawoka kanji; ni zala ni pwila, nikulitwamina kulia kanji; ni chishika ni uvu.

2 Korintu 12:10

Kashika nakuwaha ni ulelu, ni sau, ni huli, ni yihungumiona, ni kupinda, mumu hali Kristu: mumu muze mungulela, hohene mungupwa ni tachi.

2 Korintu 6:10

Ngwe akwa yinyengo, hindu nikuwahilila matangwa eswe; ngwe yiswale, hindu nikupwisa anji pichi; ngwe kutushi chuma nichimwe, hindu twapita yuma yeswe.

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

Usolwelo 21:3

Nevwile liji linene lia kukatuka mwilu ngwo, Talenu, zuwo lia Zambi lili hamwe ni atu, iye kumakatwama hamwe no, o makapwa atu jenyi, ni Zambi mwene makapwa hamwe no, Zambi yo.

Usolwelo 7:16

O kechi kevwa zala nawa, chipwe kechi kevwa pwila nawa; chipwe tangwa kulichi kaatwila nichimwe, chipwe chivukuminya chimwe, ka: