Luka 6:20 - MUKANDA USANDU WA ZAMBI 1975

²⁰ Iye wahetwile meso jenyi hali tumbaji twenyi, ngwenyi, Kunwawaha, yenu, yiswale; mumu wanangana wa Zambi niwenu.

Mukanda Wa Zambi 1970

²⁰ Yesu yatala tumbaji twenyi nee, yaamba ngwenyi: “Kunwawaha yenu yiswale, mumu Wanangana wa Zambi niwenu!

Luka 6:20 Iomraidhean Croise

Miaso (Masamu) 37:16

Chize chikepe mukwa ululi ali nacho chahiana upite wa kulumbama wa yingulungulu anji.

Yishima 16:19

Kulikehesa hamwe ni yiswale chawaha kuhiana kulipangila upite ni akwa kulengumuka.

Yishima 19:1

Chiswale yoze wakwenda ni kutuwika cha mbunge Wapema kuhiana chihepuke yoze wapiya ku mivumbo yenyi.

Izaya 29:19

Mukwa kushimbika matambula uwahililo waha muli Yehova; ni yiswale hakachi ka atu kumakalikwiza muli mwe Musandu wa Izalele.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Zefania 3:12

Mumu munguhichika hakachi kenu atu akulikehesa ni kushimbika. O makafupa chiswamo mu jina lia Yehova.

Zakaria 11:11

Chocho usendo wafwile tangwa lize, mba akwa kusepa ni mapanga waze apwile nikungupanjika anyingikine ngwo, Liji lia Yehova.

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Mateu 5:1

Ha kumona mbunga, wakandukile ha mulundu, ni muze te hatwama, tumbaji twenyi ejile kuli iye:

Luka 12:32

Kanda nwivwa woma, mbunga yikepe; mumu chinawahila Tatenu kunwaha wanangana.

Luka 13:28

Kumukukapwa malilo ni kulikopola ku mazo, muze munumona Apalahama ni Izake ni Yakomba ni aprofeta eswe mu wanangana wa Zambi, ni yenwene manumbila haze.

Luka 14:15

Mba umwe wa kuli waze atwamine ku mesa hamwe nenyi ha kwivwa yino yuma, wambile kuli iye ngwenyi, Kawaha yoze makalia mbolo mu wanangana wa Zambi.

Luka 16:25

Alioze Apalahama ngwenyi, Mwanami, iwuluka ngwe yena ha miaka ya mwono we, watambwile yuma ye yipema, chizechene Lazaru watambwile yuma yipi; haliapwila kanamulembejeka, ni yena uli mu upinjilo.

Luka 4:18

Spiritu ya Mwene hwali hali yami, Mumu hananguwayisa ni maji kwambujola sango lipema kuli yiswale; Kuhindwisa waze akumakuka ku mbunge; Hanangutumu kwambujola utuswilo kuli funge, Kulawisa cha meso kuli tupuputa; Kutusula waze ali mu upinjilo.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

2 Korintu 6:10

Ngwe akwa yinyengo, hindu nikuwahilila matangwa eswe; ngwe yiswale, hindu nikupwisa anji pichi; ngwe kutushi chuma nichimwe, hindu twapita yuma yeswe.

2 Korintu 8:2

ngwe ni cheseko chinene cha luyinda, kulumbama cha uwahililo wo ni uswale wo wunji walumbamine ku upite wa kuvungumiona cho.

2 Korintu 8:9

Mumu nunanyingika vumbi lia Mwene wetu Yesu Kristu, chipwe wapwile pichi, hindu mumu hali yenu, walipwishile chiswale, hanga yenu ku uswale wenyi nukapwe pichi.

1 Tesalonika 1:6

Ni yenu nwalumukine akwa kutwimbulula, ni akwa kwimbulula Mwene, se nwatambwile liji lia Mwene mu luyinda munji hamwe ni uwahililo wa Spiritu Musandu.

2 A-TESALONIKA 1:5

Chenacho chinyingi pundu cha upatwilo wa ululi wa Zambi, hanga akanunyonge akwa kutela wanangana wa Zambi, uze nwakuvwila lamba;

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

Usolwelo 2:9

Ngunanyingika luyinda we, ni uswale we; (alioze yena uli pichi); ni kutuka cha waze akwamba ngwo, Yetu tuli A-Yunda, aiioze hi A-Yunda ko, aiioze kapwa sunangonga ya Satana.

1 Samuel 2:8

Kakuchiza chiswale ku fufuta; kakuchiza mukwa kuhona hakachi ka chichilila cha uto nikumunangamisa akatwame hakachi ka alemu, akaswane ngunja ya ulemu. Mumu manguji a hashi a mbala a Yehova, mba iye hakoleselaho he hashi.