Luka 6:19 - MUKANDA USANDU WA ZAMBI 1975

¹⁹ Ni mbunga yeswe afupile kumusa minwe; mumu tachi jatuhukile muli iye, jahindwishile eswe.

Mukanda Wa Zambi 1970

¹⁹ Atu eswe yaazanga kumukwata mumu ndundo yijimutuhwoka, yijiwuka eswe.

Luka 6:19 Iomraidhean Croise

1 MIANANGANA 13:21

mba shimbu machifunda umwe lunga, yamona mbunga ya A-Moape. Kashika yambila mwe mufu mu fuka lia Elisha. Muze mufu haholoka ha yifwaha ya Elisha yahuzuluka, yamana ha molu jenyi.

Mateu 14:36

Aliumbile kuli iye, hanga ase wika minwe ku lupula wa hina lienyi: ni waze eswe asele minwe aapwishile angunu.

Marku 3:10

Mumu te hawuka anji, chocho waze eswe apwile ni yilungo amuuzukilile, hanga amuse minwe.

Marku 5:30

Mba haze hene Yesu, se kananyingika muli iye mwene ngwenyi, Tachi hijatuhuka muli yami, watewulukile mu mbunga, wambile ngwenyi, Iya wakwata ku hina liami?

Marku 6:56

Ni mweswamo anjilile, mu yihunda, hanji mu membo, hanji ku minda, atumbikile mieji mu yitanda, nikuliumba kuli iye, hanga ase minwe chipwe ku lupula wa hina lienyi wika: ni waze eswe amusele minwe alumukine angunu.

Marku 8:22

Yaheta ku Mbeteseta, o yaneha kuli iye kapuputa, yaliumba kuli iye, hanga amuse minwe.

Luka 5:17

Mba ha tangwa limwe shimbu machilongesa, A-Fwariseu ni akwa shimbi atwamineko, waze te hakatuka ku yihunda yeswe ya mu Ngalileya ni ya mu Yundeya ni a ku Yerusaleme, ni tachi ja Mwene japwileko kwahindwisa.

Luka 6:18

iye wawukile waze aapinjishile kuli maspiritu a luchisa.

Yilinga 19:12

chocho achijile ku mujimba wenyi yitambala hanji mapunyu, ayitwalile nikuyisa hali mieji, ni misongo yaakatukile, ni maspiritu api atuhukile muli ayo.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa: