Luka 5:8 - MUKANDA USANDU WA ZAMBI 1975

⁸ Alioze Semone Petulu muze achimwene, wafulamanyine ku makungunwa ja Yesu, ngwenyi, Mwene, katukenu kuli yami, mumu nguli chivulumunyi.

Mukanda Wa Zambi 1970

⁸ Ha kuchimona, Simone Petulu yafulamana ku molu ja Yesu nikwamba ngwenyi; “Mwene ngukatuke mumu nguli Chivulumunyi!”

Luka 5:8 Iomraidhean Croise

2 Samuel 6:9

David yavwila woma Yehova tangwa lize, yamba ngwenyi, Kuchi mushete wa Yehova muuhasa kwiza kuli yami?

1 Yitanga Ya Mianangana 17:18

Pwo yamba kuli Eliya ngwenyi, Ena mutu wa Zambi, yika yiliko hakachi ka yena ni yami? Hiweza kuvumbula uhenge wami Ushihe mwanami.

Jobe 40:4

Nguli wamokomoko. Chika mungukumbulula? Mungusa kwoko ku kanwa liami.

Kutuhuka 20:19

O yamba kuli Mose ngwo, Hanjika yena ni yetu mba kumutwivwa, alioze Zambi kanda ahanjika kama kuchina mutufwa.

Izaya 6:5

Ami yingwamba ngwami, Lamba liami! Ngunatoko, mumu nguli mukwa mivumbo ya luchisa, natwama hakachi ka akwa mivumbo ya luchisa; mumu meso jami hamona Mwanangana, Yehova-wa-Tujita.

Mateu 17:6

Muze tumbaji achivwile, afulamanyine hashi, evwile chikolo woma.

Mateu 2:11

No anjilile mu zuwo, amwene mwe mwana hamwe ni naye Maria; afulamanyine nikumuwayila, no nikupakula upite wo, amulambwile yawana ya oru ni libano ni mira.

Mateu 8:8

Kapitau wamukumbulwile ngwenyi, Mwene, yami chatelele unjile mu zuwo liami; alioze amba kama liji wika, ni mukweze wami kumahinduka.

Luka 5:7

O alahwile kuli masepa jo waze apwile mu ulungu ukwo, eze aakwase; o yeza, yazalisa maulungu eswe aali, chocho aputukile kushimbama.

Luka 5:9

Mumu wakomokene ni waze eswe apwile hamwe nenyi, ha yishi waze ozele;

Yoano 11:32

Maria kashika ejile kuze apwile Yesu, muze hamumona, wafulamanyine ku yiliato yenyi, nikwamba kuli iye ngwenyi, Mwene, kachi yena unakapwa kama kuno, kachi ndumbwami kafwile.

1 Korintu 13:12

Mumu haliapwila twakumona mu katalilo ngwe chijimbikilo; alioze ha tangwa lize meso ni meso; haliapwila ngunanyingika ha chihanda; alioze ha tangwa lize mungukanyingika liakulu, chizechene ngwe nawa hanangunyingika liakulu.

Usolwelo 1:17

Muze namumwene, nafulamanyine ku yiliato yenyi ngwe mufu; iye Wasayikile kwoko lienyi lia chindume hali yami, ngwenyi, Kanda wivwa woma, yami nguli mwe mutangu ni mwe kasula-songo;

Akwa Kuyula 13:22

Manoa yamba kuli mukwo-pwo ngwenyi, Kumutufwa, mumu hitwamona Zambi.

1 Samuel 6:20

Mba A-Mbete-Shemeshe ambile ngwo, Iya mahasa kumana kumeso ja Yehova, yono Zambi musandu? Kuli iya makanduka atweche yetu?