Luka 5:5 - MUKANDA USANDU WA ZAMBI 1975

⁵ Semone wakumbulwile ngwenyi, Mwata, twakilikitanga ufuku weswe, kutwakwachile niumwe; alioze ha liji lie mungusunwisa wanda.

Mukanda Wa Zambi 1970

⁵ Simone ngwenyi; “Mwata, twahondangananga ufuku weswe, kutwakwachile nichimwe. Alioze ha liji lie mungusunwisa manda.”

Luka 5:5 Iomraidhean Croise

Ezekiel 47:10

Akwa kutela yishi makamanyina ku kalunga-lwiji. Chize ku Engedi ndo ku Eneglame mukupwa chihela cha kwanyikina manda. Yishi jako makapwa a milali yeka ni yeka, ngwe yishi a ku Kalunga-lwiji Munene.

Luka 17:13

o akololokele ngwo, Yesu, Mwata, tuvwile kama keke.

Luka 8:24

O ejile kuli iye, amulawishile ngwo, Mwata, Mwata, tunatoko. Iye walawile, Wámbilile fuji ni kufuza cha meya: neyo yaholele, kwapwile kúlú.

Luka 8:45

Yesu wambile ngwenyi, Iya wangusa minwe? Muze eswe alikalile, Petulu ni waze apwile hamwe nenyi ambile ngwo, Mwata, mbunga anakujingilika, nikukushinjeka, ni yena ngwe, Iya wangusa minwe, nyi?

Luka 9:33

Mba shimbu machikatuka kuli iye, Petulu wambile kuli Yesu ngwenyi, Mwata, Chinapeme hali yetu kupwa kuno; tutungenu yisakila yitatu; chimwe hali yena, ni chikwo hali Mose, ni chikwo hali Eliya: se kanyingikine chize ambile.

Luka 9:49

Yoano wakumbulwile ngwenyi, Mwata, twamwene umwe kanatuhwisa andemoniu mu jina lie; twamukanjishile, mumu keshi kukaula ni yetu.

Yoano 15:14

Yenu nuli tusendo twami, kachi munulinga cheswacho mungunwamba.

Yoano 2:5

Naye yamba kuli tuvumbi ngwenyi, Cheswacho mamba kuli yenu, chilingenu.

Yoano 21:3

Semone Petulu yamba kuli ayo ngwenyi, Munguya mukuteta yishi. O yamba kuli iye ngwo, Ni yetu nawa, mutuya hamuwika. Yatuhuka, yanjila mu ulungu; alioze ufuku uze kozele nikamwe.