Luka 5:30 - MUKANDA USANDU WA ZAMBI 1975

³⁰ A-Fwariseu ni akwa kusonyeka jo alinyenyetene hali tumbaji twenyi, nikwamba ngwo, Kuchi te nunali, nunanu hamwe ni akwa kufwetesa lijimu ni yivulumunyi?

Mukanda Wa Zambi 1970

³⁰ Afariseu ni alongeshi a Shimbi a ku mbunga yo yaalinyenyeta hali tumbaji twa Yesu ngwo; “Kuchi kevwe nunali ni nunanu hamwe ni akwa kulambwisa lijimu ni akwa lufuma mubi?”

Luka 5:30 Iomraidhean Croise

Izaya 65:5

Kakwamba ngwo, Twama kwe! Kanda ungukundama mumu hinalihandununa ni yena. Wano kapwa ngwe mwishi mu mazulu jami, ngwe kahia kakuyila tangwa lieswe nganganga.

Mateu 5:46

Mumu kachi nunazange waze akunuzanga, kwononona chika nuli nacho? Chipwe akwa kufwetesa lijimu keshi kulinga chimuwika, nyi?

Mateu 9:11

Muze A-Fwariseu achimwene, ambile kuli tumbaji twenyi ngwo, Kuchi te Longeshi yenu anali hamwe ni akwa kufwetesa lijimu ni yivulumunyi?

Marku 2:16

Akwa kusonyeka ni A-Fwariseu, muze amwene ngwe alile hamwe ni yivulumunyi ni akwa kufwetesa lijimu, ambile kuli tumbaji twenyi, ngwo, Ngwe kuchi akulia ni kunwa hamwe ni akwa kufwetesa lijimu ni yivulumunyi?

Marku 7:3

(Mumu A-Fwariseu ni A-Yunda eswe keshi kulia shina masana ku moko kanji, se anakakaminya ku ndongo ja makulwana;

Marku 9:16

Iye waahulile ngwenyi, Kuchi nunalihangujola no?

Luka 18:11

Ka-Fwariseu wamanyine nikulemba kuli iye mwene ngwenyi, Zambi, ngunakusakwila yami chapwile ngwe atu akwo, akwa mbenga, yihenge, yitanji, hanji chipwe ngwe yono mukwa kufwetesa lijimu.

Luka 19:7

Muze achimwene, o eswe anyenyetene, ngwo, Haya nikutula ku zuwo lia lunga yoze wapwa chivulumunyi.

Luka 5:17

Mba ha tangwa limwe shimbu machilongesa, A-Fwariseu ni akwa shimbi atwamineko, waze te hakatuka ku yihunda yeswe ya mu Ngalileya ni ya mu Yundeya ni a ku Yerusaleme, ni tachi ja Mwene japwileko kwahindwisa.

Luka 5:21

Akwa kusonyeka ni A-Fwariseu aputukile kunyonga ngwo, Iya yono unahanjika kushililika Zambi? Iya mahasa kukonekena milonga shina Zambi wika?

Luka 7:34

Mwe Mwana Mutu haneza nikulia, nikunwa, mba nunambe ngwenu, Talenu, chipulutu ni chizengewi, kasendo ka akwa kufwetesa lijimu ni yivulumunyi.

Luka 7:39

Muze Ka-Fwariseu yoze wamulakenyene, achimwene, wambile mu mbunge ngwenyi, Yono nyi profeta manyingika yono pwo unamuse minwe, chize apwa, mumu iye chivulumunyi.

Yilinga 23:9

Kwapwile zungo linene: mba amwe akwa kusonyeka a kuli A-Fwariseu akatukile nikulihangulula chikolo, ngwo, Kutwawanyine yipi muli yono mutu: kachi Spiritu hanahanjika kuli iye, hanji mungelo, kanda tulitachika ni Zambi.