Luka 5:29 - MUKANDA USANDU WA ZAMBI 1975

²⁹ Mba Levi wamulingilile chiteleka chinene mu zuwo lienyi; kwapwile mbunga yinene ya akwa kufwetesa lijimu ni akwo waze atwamine ku mesa hamwe no.

Mukanda Wa Zambi 1970

²⁹ Hohene Levi yamulingila chiteleka chinene mu zuwo lienyi. Yimubwa mbunga yinene ya akwa kulambwisa lijimu ni atu akwo ku mesa hamwe no.

Luka 5:29 Iomraidhean Croise

Mateu 11:19

Mwe Mwana Mutu wejile nikulia, nikunwa, o mamba ngwo, Chipulutu, mukwa kuzengewa, kasendo ka akwa kufwetesa lijimu ni yivulumunyi! Alioze mana hanasambe hali ana jenyi.

Mateu 5:46

Mumu kachi nunazange waze akunuzanga, kwononona chika nuli nacho? Chipwe akwa kufwetesa lijimu keshi kulinga chimuwika, nyi?

Mateu 9:10

Shimbu achili ku mesa mu zuwo, akwa kufwetesa lijimu ni yivulumunyi anji ejile, atwamine ku mesa hamwe ni Yesu ni tumbaji twenyi.

Mateu 9:9

Shimbu Yesu mapalika kuze kulutwe, wamwene mutu, anamuvuluka ngwo, Mateu, kanatwama mu zuwo lia lijimu: neye yamba kuli iye ngwenyi, Ngukaule. Aye wakatukile, wamukawile.

Marku 2:15

Shimbu atwamine ku mesa mu zuwo lienyi, akwa kufwetesa lijimu anji ni yivulumunyi atwamine ku mesa hamwe ni Yesu ni tumbaji twenyi: mumu apwile anji, no amukawile.

Luka 15:1

Achi, akwa kufwetesa lijimu eswe ni yivulumunyi apwile nikukundama kuli iye mukumwivwa.

Yoano 12:2

Kuze kashika amulingilile chiteleka: ni Marta wavumbikile; alioze Lazaru wapwile umwe wa kuli waze atwamine ku mesa hamwe nenyi.

1 Korintu 10:27

Kachi umwe wa kuli waze keshi kufuliela manulakenya ku chiteleka, nyi munuzanga kuya; cheswacho masa kumeso jenu, lienu, kanda nuhula nichimwe mumu ha shimbi ya mbunge.