Luka 5:26 - MUKANDA USANDU WA ZAMBI 1975

²⁶ Eswe alishikishilile, o achichimiekene Zambi; nikuzala tò ni woma, ngwo, Hitunamono yuma ya yipupu musono uno.

Mukanda Wa Zambi 1970

²⁶ Eswe yaalishimwoka kuhiana, yeevwa woma unji, yaachichimieka Zambi nikwamba ngwo: “Musono hitwamona yipupu!”

Luka 5:26 Iomraidhean Croise

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Mateu 12:23

Ni mbunga jeswe alishikishilile, ambile ngwo, Yono mwe mwana David, nyi?

Mateu 28:8

O akatukile nikawashi ku fuka, ni woma ni uwahililo unene, azombokele mukwambulwila tumbaji twenyi.

Mateu 9:8

Muze mbunga achimwene, alishikishilile, achichimiekene Zambi yoze wahanyine chiyulo chipwa haha kuli atu.

Marku 2:12

Iye wakatukile, ni haze hene wanjile chalo chenyi, watuhukile kumeso ja eswe; chocho alishimwokene, achichimiekene Zambi, ngwo, Kutwachimwene chocho nilimwe tangwa.

Luka 1:65

Woma wapwile hali waze eswe atwamine ha kwajingilika; alihanjikishile yino yuma mu chifuchi cheswe cha milundu ya Yundeya.

Luka 5:8

Alioze Semone Petulu muze achimwene, wafulamanyine ku makungunwa ja Yesu, ngwenyi, Mwene, katukenu kuli yami, mumu nguli chivulumunyi.

Luka 7:16

Eswe akwachile woma; o achichimiekene Zambi ngwo, Profeta munene hanasoloka hakachi ketu; chikwo ngwo, Zambi hanatale hali atu jenyi.

Luka 8:37

Ni chizavu cheswe cha ku chifuchi cha A-Ngarase amulembele akatuke kuli ayo: mumu evwile woma wunji; iye wanjilile mu ulungu akahiluke.

Yilinga 4:21

Muze te haomisa nawa, aechele kuya, se kawanyine chuma nichimwe ngwe chize mahasa kwalamba, mumu ha mukunda wa atu; mumu eswe achichimiekene Zambi ha chize alingile.

Galashia 1:24

O achichimiekene Zambi muli yami.