Luka 5:25 - MUKANDA USANDU WA ZAMBI 1975

²⁵ Haze hene wakatukile kumeso jo, wanjile chalo haze wapombele, iye wakatukile nikuya ku zuwo lienyi nikuchichimieka Zambi.

Mukanda Wa Zambi 1970

²⁵ Hazehene mwe mutu yakatuka ku meso ja atu eswe, yanda muhela uze te abomba, yaya ku mahienyi nikuchichimieka Zambi.

Luka 5:25 Iomraidhean Croise

Ubutukilo 1:3

Zambi yamba ngwenyi, Kupwe pangu, mba yikupwa pangu.

Miaso (Masamu) 33:9

Mumu iye wahanjikile mba chalingiwile. Watuminyine mba chakolele.

Miaso (Masamu) 50:23

Mweswawo malambula chitapo cha kusakwila kakunguchichimieka. Yoze malulika kanawa kwenda chenyi mungumusolwela ulamwino wa Zambi.

Mateu 9:8

Muze mbunga achimwene, alishikishilile, achichimiekene Zambi yoze wahanyine chiyulo chipwa haha kuli atu.

Marku 2:12

Iye wakatukile, ni haze hene wanjile chalo chenyi, watuhukile kumeso ja eswe; chocho alishimwokene, achichimiekene Zambi, ngwo, Kutwachimwene chocho nilimwe tangwa.

Luka 13:13

Iye wasayikile moko jenyi hali iye: haze hene wolokele, wachichimiekene Zambi.

Luka 18:43

Haze hene walawile ku meso, wamukawile, nikuchichimieka Zambi; ni atu eswe, muze achimwene, ahanyine uhaliso kuli Zambi.

Luka 5:13

Iye wolwele kwoko lienyi, wamusele minwe, ngwenyi, Ngunapale; pwako mungunu; haze hene mbumba yenyi yamukatukile.

Yoano 9:24

Chocho atambikile chisuho chamuchiali mutu yoze wapupuchile kunyima, ambile kuli iye ngwo, Chichimieka Zambi: tunanyingika yono mutu iye chivulumunyi.