Luka 5:24 - MUKANDA USANDU WA ZAMBI 1975

²⁴ Alioze hanga nunyingike mwe Mwana Mutu chiyulo akwete hano hashi cha kukonekena milonga, (wambile kuli mukwa kalepa) ngwenyi, Ngunambe kuli yena ngwami, Katuka, anda chalo che, uye ku zuwo lie.

Mukanda Wa Zambi 1970

²⁴ Alioze ngunazange nunyingike ngwenu, Mwana Mutu, chiyulo akwete hano hashi cha kukonekena milonga.” Mba yambila mukwa kalepa ngwenyi: “Ngunakwambe ngwami: Katuka, anda muhela we, yako ku mahie!”

Luka 5:24 Iomraidhean Croise

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Mateu 16:13

Muze Yesu ahetele ku yihanda ya Sesarea-Fwilipu, wahulile tumbaji twenyi ngwenyi, Kuchi atu akunguvuluka yami mwe Mwana Mutu?

Mateu 25:31

Alioze muze mwe Mwana Mutu meza mu uhenya wenyi, ni angelo asandu eswe hamwe nenyi, hohene makatwama ha ngunja yenyi ya uhenya:

Mateu 26:64

Yesu yamba kuli iye ngwenyi, Yena wachamba; hindu ngwami, Kulutwe kumunukamona mwe Mwana Mutu kanatwama ha chindume cha tachi, kaneza ha malelwa a mwilu.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Mateu 4:24

Lufuma wenyi wafumanyine mu Seria mweswe; anehene kuli iye waze eswe ayijile, a kukwachika ni misongo yeka ni yeka ni yipupilo, ni akwa ndemoniu, ni akwa musongo wa ngulu, ni akwa kalepa, waawukile.

Mateu 9:6

Alioze hanga nunyingike ngwenu, Mwe Mwana Mutu chiyulo akwete hano hashi cha kukonekena milonga, (hohene yamba kuli mukwa kalepa ngwenyi), Katuka, anda chalo che, uye ku zuwo lie.

Luka 5:13

Iye wolwele kwoko lienyi, wamusele minwe, ngwenyi, Ngunapale; pwako mungunu; haze hene mbumba yenyi yamukatukile.

Luka 5:18

Kumanyi, malunga anehene ha muhela mutu umwe wapwile mukwa kalepa; o afupile kumunjisa, akamutumbike kumeso jenyi.

Luka 5:23

Chashi chika shina kwamba ngwami, Ngunakukonekena milonga ye, nyi? Shina kwamba ngwami, Katuka, wende?

Luka 7:14

Iye wakundamine, wasele minwe ku muhango; ni akwa kumbata amanyine, iye wambile ngwenyi, Mukweze, ngwami, Hinduka.

Luka 8:54

Alioze iye waatuhwishile eswe, iye, nikumukwata ku kwoko, watambikile ngwenyi, Mwana, hinduka.

Yoano 11:43

Muze te hamba chocho, wakololokele ni liji linene ngwenyi, Lazaru, tuhukamo.

Yoano 17:2

Chizechene ngwe wamuhele chiyulo helu lia atu eswe, hanga akahane mwono wa mutolo kuli waze eswe hiunamwehe.

Yoano 3:13

Mba niumwe wazezukile mwilu shina yoze wahulumukine mwilu, mwe Mwana Mutu, mwenawo mwilu mwali.

Yoano 5:27

Hanamwehe chiyulo cha kulinga upatwilo, mumu iye mwe Mwana Mutu.

Yilinga 14:10

Wambile ni liji linene ngwenyi, Katukako, umane kachichi ha molu je: iye wanyangumukine, wendele.

Yilinga 5:31

Iye Zambi wamunangamishine ku kwoko lienyi lia chindume akapwe Kaputu kanda Chilamwina, mukuhana kuli akwa Izalele kulikonyeka ni ukonekeno wa milonga.

Yilinga 9:34

Petulu wambile kuli iye ngwenyi, Eneya, Yesu Kristu kanakuhindwisa: hinduka, wale chalo che. Haze hene wahindukile.

Yilinga 9:40

Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine.

Usolwelo 1:13

mukachi ka yikwachilo shimbiali ya ndeya umwe wa kulifwa ni mwe Mwana Mutu, unazala uzalo wa kuheta ku yiliato, kanalijichika ha tulo ni muya wa oru.