Luka 5:22 - MUKANDA USANDU WA ZAMBI 1975

²² Alioze Yesu, nikunyingika manyonga jo, wakumbulwile ngwenyi, Kuchi te nunanyongo mu mbunge jenu?

Mukanda Wa Zambi 1970

²² Yesu yanyingika manyonga jo, yaahula ngwenyi: “Kuchi kevwe nuli ni manyonga wano?

Luka 5:22 Iomraidhean Croise

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

Miaso (Masamu) 139:2

Unanyingika ni kutwama chami ni kukatuka chami. Kunyonga chami kuchakulumbunuka kuli yena chipwe kusuku.

Yishima 15:26

Manyonga a mwe chingulungulu kapwa chizelwokeso kuli Yehova; alioze atu apema kakuhanjika maliji a sambukila.

Izaya 66:18

Mumu ngunanyingika yitanga yo ni manyonga jo, mba nguneza ngukakonge mavungu eswe ni malimi akeze akamone uhenya wami.

Ezekiel 38:10

Mwene Yehova kanambe ngwenyi, Ha tangwa lize manyonga makeza mu mutwe we, ni yena mukataka chuma chipi,

Mateu 12:15

Alioze Yesu ha kuchinyingika wayile kweka, ni mbunga jinji amukawile; waawukile eswe.

Mateu 12:25

Alioze Yesu ha kunyingika manyonga jo, wambile kuli ayo ngwenyi, Wanangana weswe munuhandununa wene kumakaupwisa uhululu; limbo lieswe hanji zuwo lieswe mulihandununa liene kulichi kukola.

Mateu 9:4

Alioze Yesu, nikunyingika yishinginyeka yo, wambile ngwenyi, Kuchi te nunashinginyeka yuma yipi mu mbunge jenu?

Marku 8:17

Yesu se kachinyingika, yamba kuli ayo ngwenyi, Kuchi te nunanyongo, mumu mbolo kunushi nayo? Hindu kanda nuchinyonga, nyi? Hanji kuchanulumbunukine, nyi? Mbunge jenu hijanukala, nyi?

Luka 24:38

Iye wambile kuli ayo ngwenyi, Kuchi te nunalipikala? Kuchi te manyonga ano aneza mu mbunge jenu?

Luka 5:21

Akwa kusonyeka ni A-Fwariseu aputukile kunyonga ngwo, Iya yono unahanjika kushililika Zambi? Iya mahasa kukonekena milonga shina Zambi wika?

Luka 5:23

Chashi chika shina kwamba ngwami, Ngunakukonekena milonga ye, nyi? Shina kwamba ngwami, Katuka, wende?

Yilinga 5:3

Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda?

Hebreu 4:12

Mumu liji lia Zambi mwono likwete, kuliakulinga ni tachi, linambuka kuhiana mukwale, nikutuwa ndo ku kuhandununa cha alma ni spiritu, ni ku makonekeno ni usongosongo, kuliakusa chinyingi ha manyonga ni kukana cha mu mbunge.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.